Rhydychen, Llsgr. Rawlinson B 467 – tudalen 30v
Meddyginiaethau
30v
a heid a chagẏl geifẏr a|e diffẏd.
Rac magẏl ỻẏgat berỽ drỽẏ ỽin gỽ+
yn a sugẏn ẏ rut a sugẏn ẏ funẏgẏl
a selidon. a golch dy lẏgat a|hỽnnỽ Rac
dolur penn kẏmẏsc ẏ rut a|funẏgẏl a
lonage a phẏpẏr a mel. a gỽna blastẏr
neu ỽasc drỽẏ liein. ac ẏf. Araỻ ẏỽ
kẏmer sugẏn ẏ ganỽ·reid goch a dot
am dẏ ben ẏn vrỽt ẏn blastẏr neu.
ẏf er ỻes ẏ|th benn. ac rac ẏ krẏt.
Rac tẏỽẏỻ|o|th ỻẏgeit. kẏnuỻ ẏ rut
a|r selidon. drỽẏ ẏ gỽlith a|mortera
a gẏt a|mel gloeỽ gogẏmeint
ohonunt a|e gilid. a|berỽer ar dan hyn+
nẏ el dan ẏ|draean. a chadỽ mẏỽn
neu ỽẏbẏr ac ir dẏ|lẏ·geit ẏn vẏnẏch
ac ef. Rac gỽlẏbor ỻẏgeit bỽẏtta
ẏn vẏnych y|bettoni Rac chỽẏd a dolur
| « p 30r | p 31r » |