Rhydychen, Llsgr. Rawlinson B 467 – tudalen 29r
Meddyginiaethau
29r
Rac ỻosc kẏmẏsc vlỽ redẏn a|gỽẏn ỽẏ
ac ir a|hỽnnỽ. Araỻ kẏmer ỻudu risc
ẏr eido ẏ deckau ẏ greith. Rac pessẏch+
u bỽẏta dỽst o|vaen ẏr eur biben gẏt
ac ỽẏeu kalet xiiiidieu. Y beri kẏscu
briỽ ẏchẏdic o|r apium gẏt a|ỻaeth
broneu gỽreic ẏ bo merch ẏn dẏnu
er·ni. ac ir ỽadneu dẏ draet a|th ar·le+
isseu. Rac bẏdẏderi* neu heint clusteu
dot sud ẏ kenin a|bẏstẏl gafẏr ẏ|th glu+
steu. Rac dolur ỻẏgeit ỻanỽ bliscẏn ỽẏ
o|sud ẏ|funẏgẏl. a|rut a|mel gloẏỽ a gỽin
a|th|trỽng Mab bẏchan. LLẏma eli gỽ+
aeỽ tẏn ẏ blonec oỻ o geilẏaccỽẏd bras
a chẏmer vlonec gỽr·kath. a|blonec tỽr+
ch koch. a|chẏmeint a|r deu o|vlonec
keilẏaccỽẏd; a|thtri* phen ỽẏnẏỽn
a|thri ỽns o gỽẏr gỽẏrẏ glan. a|ber+
ỽr fẏnnon. a|r ỽermot a gỽẏd ẏ|menfus.
| « p 28v | p 29v » |