Rhydychen, Llsgr. Rawlinson B 467 – tudalen 28r
Meddyginiaethau
28r
Rac trachỽẏs berỽ ẏr erỽeint mẏỽn
ỻaeth geifẏr ac ẏf a|da ẏỽ. Rac ỻosc
tan neu dỽfẏr. berỽ deil ẏ|lilium a|dot
ar ẏ dolur a da ẏỽ. Rac attal pissaỽ kẏm+
ẏsc emenẏd ẏsgẏfẏuarnoc* mẏỽn gỽ+
in. ac ẏf. Y beri darẏmret berỽ ỽre+
id ẏr ẏsgaỻ man mẏỽn dỽfẏr ac ẏf
a da ẏỽ. Rac prẏuet mẏỽn dẏn nev
lỽdẏn. dẏro idaỽ ỽreid ẏ drangans ẏ
lad ẏ prẏuet. Neu ẏ dittaỽndẏr mẏỽn
gỽin ẏ ẏfet. Rac parlis neu heint
dẏgỽẏd ẏfet ẏ claf ẏn dechreu ẏ
heint ẏ|drỽnc e|hun naỽ nieu.
Rac ẏn vyndrỽẏd* yf ẏr eissẏl a|r
bettoni. a ỻẏgat ẏ dẏd pẏmthec nieu.
Rac heint dygỽẏd ẏf ỽaet oen heb
gaffel dim o|laeth ẏ vam. ẏn gẏn|urẏ+
tet ac ẏ del o|e gorf. Neu loscer a·dar bre+
in mẏỽn prideỻ gẏuan a|r ỻudu hỽn+
| « p 27v | p 28v » |