Rhydychen, Llsgr. Rawlinson B 467 – tudalen 21r
Meddyginiaethau
21r
bỽr ẏ penn. Rac sẏch·gernẏn kẏmr+
ẏt blonec Jar. ac emenẏn mei a|sud
ẏ sẏni ac eu maedu ẏ·gẏt a|dodi myỽn
korn. a phan elẏch ẏ gẏsscu iraỽ dẏ deu
amrant a|th deu|lẏgat ẏn da aiach vẏdẏ.
Tri rẏỽ ẏsgeueint ẏssẏd. ysgeuein+
ỽst. a gỽẏn|ysgeueint. a du ẏsgeue+
int. ỻẏma ẏr argoelon ẏssẏd vẏn+
ẏchaf eu bot ar ẏ gỽẏn ẏsgeuein
gỽaeỽ dan ẏ vron ac ẏ·dan ẏ balueis.
ac ẏm penn ẏr ẏscỽẏd. a chochi ẏ
deu rud. ac val hẏnn ẏ medigẏneith+
ir. kẏmrẏt tridieu goduc o|r ỻẏsseu
hẏnn. Ẏr|hẏgỽẏt a|r trỽẏdon a|r
droetrud. a gỽrthlẏs ẏr alannon.
ac odẏna ẏ tridieu ereiỻ. Ẏ ar ẏ brideỻ.
| « p 20v | p 21v » |