Breudwd Rhyddiaith Gymraeg 1300-1425
English

Llsgr. Philadelphia 8680 – tudalen 63v

Brut y Brenhinoedd

63v

171

hynn. ny barnaf ynheu bot
yn|ryued hynny. Kanys y
bonhedigyon a|r|dylyedogy+
on a deuthant yma ygyt
a maxen wledic a|chynan
meiradaỽc o|r deyrnas oỻ.
a|r rei anuonhedic a|drigy+
assant yno. a|r rei hynny
a|gymerassant medyant y
gỽyr maỽr dylyedaỽc. 
A gỽedy dechreu o·honunt
caffel medyant a|theilyngda+
ỽt y rei bonhedic ymdyrchaf+
el a|wnaethant yn ryottres
a|syberwyt yn uỽy noc y deis+
syuei eu hanyan udunt.
ac ymrodi y odineb y ryỽ
ny chlyỽit ymplit* y pobloed.
Ac megys y dyweit gildas
traethaỽdyr yr ystorya bot
yn vỽy y pechaỽt hỽnnỽ no|r
hoỻ pechodeu ereiỻ oỻ. yr
hynn a|diwreida ansaỽd yr
hoỻ da. Sef yỽ hynny.
cassau gỽirioned a|e hamdi+
ffynnwyr. a charu kelwyd
a thỽyỻ. a brat. Talu drỽc

172

dros da. Enrydedus enwir+
ed. a|chamweithredoed dros
hegarỽch a|hynaỽster. 
aruoỻedigaeth y diaỽl dros
eghyl goleuat. Y brenhin+
ned a detholynt nyt yn|herỽ+
yd duỽ. namyn yr hỽnn
a|ỽelynt yn greulonaf. Ac
yn|y ỻe y rei a|detholynt a
ledynt gan ethol ereiỻ a|vei
greulonach. A|phỽy byn+
nac a|uei arauach ac ychy+
dic nes y garu gỽirioned
hỽnnỽ megys gelyn ynys
prydein a|distriwynt. Ac
o|r|diwed pob peth o|r a|garei
duỽ o gahaual uraỽt. yn
ỽrthỽyneb y duỽ y gỽneynt.
Onyt bot yn garedigach
gantunt yr hynn a|gassaei
duỽ. Ac ueỻy y gỽneynt
bop peth o|r a|uei ỽrthỽyneb
y iechyt. ac heb geissaỽ dim
y gan uedic yr hoỻ iechyt.
Ac hyt nat mỽy y gỽnaei
y dynyon byt. namyn ken+
uein duỽ e|hun a|e uugelyd