Llsgr. Philadelphia 8680 – tudalen 52v
Brut y Brenhinoedd
52v
127
A C odyna gỽalchmei
a|gauas y damunedic
hynt. ac yn|wychyr kyrch+
u yr amheraỽdyr a|oruc. a
gossot arnaỽ. Ac eissoes
ỻes megys yd oed yn|dech+
reu blodeuaỽ dewred ieu+
enctit. ac yn uaỽr y ynni.
nyt oed weỻ dim gantaỽ
ynteu noc ymgaffel a|r
ryỽ uarchaỽc clotuaỽr
hỽnnỽ. yr hỽnn a|gymhe+
ỻei y|wybot beth vei y an+
gerd a|e dewred. Ac ỽrth
hynny diruaỽr lewenyd
a|gymerth yndaỽ ỽrth
ymgaffel ohonaỽ a gỽr
kyn|glotuorusset a gỽal+
chmei. ac ymerbynyeit
yn galet a|wnaeth pob un
a|e gilyd. megys na welat
rỽng deu uilỽr ymlad a
gyffelypit y hỽnnỽ.
A|phan yttoedynt hỽy
yn newidyaỽ kaledyon
dyrnodeu. a|phob|un yn
128
ỻauuryaỽ ageu y gilyd.
nachaf y ruueinwyr yn ym+
penntyryaỽ yn eu|kylch.
hyt pan|uu reit y walchmei
a howel ac eu|bydinoed eu
kiliaỽ hyt ar vydin arthur
gan eu ỻad o|r ruueinwyr
yn|drut. A phan|welas ar+
thur yr aerua yd oedit yn|y
wneuthur o|e|wyr ef. Tyn+
nu kaletuỽlch y gledyf go+
reu a|wnaeth. ac yn uchel
dywedut ual hynn. Pa a ̷+
chaỽs y gedỽch chỽi y gỽreic+
olyon wyr hynn y gennỽch.
Nac aet un yn uyỽ onadunt
nac aet. Koffeỽch aỽch deheu+
oed y rei yn gyfrỽys yn|y sa+
ỽl ymladeu kyn no hynn
a|darestygassant dec teyrnas
ar|hugeint ỽrth uy medyant.
Coffeỽch aỽch hendadeu y rei
pan yttoedynt gadarnach
gỽyr ruuein no hediỽ a|e gỽ+
naethant yn|drethaỽl udunt.
Coffeỽch aỽch rydit yr honn
| « p 52r | p 53r » |