Breudwd Rhyddiaith Gymraeg 1300-1425
English

Llsgr. Philadelphia 8680 – tudalen 42v

Brut y Brenhinoedd

42v

87

Ac ygyt a|hynny menegi
a|oruc arthur ỽrth genad+
eu gỽyr ruuein. na|thalei
ef deyrnget udunt hỽy o
ynys prydein. ac nat yr|gỽn+
euthur iaỽn udunt o|r a
holynt yd oed ef yn kyrchu
gỽyr ruuein. namyn yr
kymeỻ teyrnget idaỽ ef o
ruuein. megys y barnas+
sei e|hun y|dylyu. Ac ar
hynny yd aethant y bren+
hined a|r gỽyrda paỽb y ym+
baratoi heb un annot er+
byn yr amser teruynedic
a|ossodyssit udunt. ~ ~
A  Gỽedy adnabot o|les
amheraỽdyr yr atteb
a gassei* y gaarthur. drỽy
gygho* senedwyr ruuein.
ef a|eỻygaỽd kenadeu y
wyssyaỽ brenhined y dỽfre+
in. ac erchi dyuot ac eu
ỻuoed gantunt ygyt ac ef
ỽrth oresgyn ynys prydein.
Ac yn gyflym yd|ymgyn+

88

nuỻassant yno. Epistrophus
urenhin groec. Mustensar
vrenhin yr affric. aliphantina
urenhin yr yspaen. Hirtacus
urenhin parth. Boctus vren+
hin iudiff. Sextor brenhin
libia. Serx brenhin nuri.
Pandrasius brenhin yr eifft.
Missipia brenhin babilon.
Teuser duc ffrigia. Euan+
der duc siriaEchion o boeti.
Ypolit o creta. ygyt a|r|tywys+
sogyon a|oedynt darestygedi+
gyon udunt a|r gỽyrda
Ac ygyt a|hynny o urdas se+
nedwyr ruuein. ỻes. kadeỻ.
Meuruc. Lepidus. gaius.
Meteus. Octa. Quintus.
Miluius. Taculus. Meteỻus.
Quintinus. Cerucius.
A|sef oed eiryf hynny oỻ ygyt
Canỽr a|thrugeinmil. a|phe+
dwar canmil.  ~ ~ ~ ~ ~ ~
A  Gỽedy ymgyweiryaỽ o+
nadunt o bop peth o|r a|uei
reit udunt. Kalan aỽst ỽynt