Breudwd Rhyddiaith Gymraeg 1300-1425
English

Llsgr. Philadelphia 8680 – tudalen 39r

Brut y Brenhinoedd

39r

73

gossynt y uot yn ỽr da. ~
Ac|odyna escobaỽt gaer
uudei y ueugant. ac escoba+
ỽt gaer wynt y dywan.
ac escobaỽt lincol y aldelmi.
A C ual yd|oedynt ueỻy
yn|ỻunyaethu pob|peth.
nachaf deudegwyr aeduet
eu hoet enrydedus eu|gỽed.
a|cheing o lyfwyd yn|ỻaỽ
bop un onadunt yn arỽyd
eu bot yn genadeu. ac yn
kerdet yn|araf. Ac yn|kyf+
arch gỽeỻ y arthur. ac yn|y
annerch y gan les amher+
aỽdyr ruuein. ac yn rodi
ỻythyr yn|y laỽ a|r ymadra+
ỽd hỽnn yndaỽ. ~  
ỻythyr ỻes amheraỽdyr ruvein at arthur ~
L les amheraỽdyr ruue+
in yn anuon annerch
arthur vrenhin y bryta+
nyeit. yr hỽnn a|haedỽys.
Enryued yỽ gennyf|i dy
greulonder di a|th ynuytrwyd.
a|th syberỽyt. na choffey di

74

ry wneuthur y|saỽl sar+
haedeu ry wnaethost y
ruueinaỽl amherotraeth.
pan dugost yn gyntaf y
gantunt eu teyrnget o
ynys prydein. Yr hỽnn a ga+
uas ulkessar ac amherot+
ron ereiỻ gỽedy ef. a|chynn
no minneu. Ac odyna
y goresgynneist ffreinc
a bỽrgỽin a|hoỻ ynyssed
yr eigaỽn y rei a yttoedynt
trethaỽl a theyrngedaỽl y
ruueinaỽl amherodraeth.
hyt tra yttoedynt yn eu rac+
uedu. Ac   ỽrth hynny
yd|ym ninneu yn ryuedu
eithyr mod hỽyret yd|ỽyt
ti yn ymchoelut ar synnỽ+
yr. ac yn|ymadnabot a
thu|hunan. kanys dirua+
ỽr gỽl yỽ gỽneuthur kedy+
ant y sened ruuein. a|r|hoỻ
uyt yn|dylyv bot yn dares+
tygedic idi. Ac ỽrth hynny
kyn barnỽys sened ruuein