Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 5v

Ystoria Carolo Magno: Chronicl Turpin

5v

llygeit rac gỽelet y gỽascodeu diaỽlic. a byda+
ru eu klusteu rac clybot eu lleisseu ufferna+
ỽl. keluydyt enryued yn diannot gỽedy gỽ+
archae clusteu y meirch ac eu llygeit. y kyrch+
yssant yn hy gan ysgaylussaỽ eu lleisseu bre+
dychus. Ac o|r bore hyt hanher dyd y gordi+
wedyssant y saracinneit a llawer o·nadunt
a|ladyssant. Ac ny ladyssant eissoys cỽbyl.
ac ymdyrru y gyt a oruc y saracinneit. ac
yn eu perued ben ac ỽyth ychen y danei. ac
ar y ven eu hystondard hỽynteu wedy y
dyrchauel. Ac eu deuaỽt hỽynteu oed na
ffoei neb o·nadunt tra welynt yr ystondard
yn seuyll. A phan adnabu charlys hynny
ruthraỽ a oruc ymplith eu bydinoed yn dam+
gylchynnedic o nerth dỽywaỽl gan eu bỽ+
rỽ deheu ac ar asseu idaỽ yny doeth ar y
ven. Ac yna taraỽ o|y gledyf yny vu yr lla+
ỽr y peirant a gynhalei yr ystondard. a|e
hestỽg hitheu yr ystondard a oruc yr lla+
ỽr. Ac yna y dechreuis y saracineit ffo o le
y le yn wasgaraỽc. Ac yna gaỽr y lluoed a do+
det o pob parth. Ac y llas ỽyth mil o|r saras+
cineit. Ac ebraun brenhin sibli y gyt ac hỽ+
ynt. Ac altumor a dỽy vil gyt ac ef a gyrch+
ỽys y gaer. A|thranhoeth gỽedy goruot ar+
naỽ eturyt y gaer yr amheraỽdyr gan am+
mot. kymryt bedyd o·honaỽ a darestỽg y
dan charlys a daly y dinas y danaỽ. Ac ody+