LlGC Llsgr. Peniarth 9 – tudalen 52v
Ystoria Carolo Magno: Can Rolant
52v
brenhin can mil o varchogyon gordethol y ym+
erbyn ar ffreinc yn gyntaf ac attal ar y mynyd
y lleill oll gantaỽ yny vei reit canỽrthỽy yr lleill.
Y gỽyr etholedigyon a discynnyssant gan
ystlys y mynyd. ac yn eu blayn y deudec gogy+
uurd. Ac yn vlaynaf onadunt hỽynteu nei
marsli a ffalsaron y ewythyr gyuarystlys ac
ef. a llunyaythu a orugant eu llu yn deudec
ran. A dyuot yn baraỽt wedy llunyeithu eu
bydinoyd parth ac eu gelynyon y eu kymryt.
Rolond ac oliuer a llunyeithyssynt eu niuer
hỽynteu yn vydinoyd ac ym·gadarnhau o
baỽb o·nadunt hỽynteu yn eu harueu rei a
oyd eu nerth val yd oyd eu dysc canyt ydoyd
eu grym yn erbyn y wiryoned. A phan wel+
as y paganyeit y ffreinc wedy ry ymluneith+
u yn vydinoyd ac yn baraỽt y ymlad ym+
gynnullaỽ a orugant yn deissyueit ouyn o
dybygu eu bot yn deu kyn amlet ac yd oyd+
ynt. val y may deuaỽt gan y rei ofynaỽc. ac
yna y damunynt eu bot yn olhaf rei awen
y chynt kyno hynny herwyd klot ac enryd+
ed eu bot yn vlaynaf. A phan vu diamheu
gan rolond caffel brỽydyr ym·gyuodi y vryt
a oruc ynteu yggleỽder a gosged yn llewen+
yd cyrchu y elynyon heb vot yn vỽy y aryn+
eic no lleỽ dyual bonhedic pan dyrchauei
y ỽyneb yn erbyn morynyon. Ac yna y dy+
waỽt ef ỽrth oliuer val hyn. Agaru gedym
| « p 52r | p 53r » |