Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 50r

Ystoria Carolo Magno: Can Rolant

50r

marsli attaỽch trỽy y genadeu y hun y vegys
hyny y hedewis ỽrthyf inheu dyuot yn aỽch
ol y chwi y ffreinc y gymryt bedyd yno a ffyd
gatholic. A gỽneuthur gỽrogayth y titheu
ac y gymryt y gennyt y veint a vynhych
di y gannyhadu idaỽ ef o|r yspayn y dala
y dan dy uedyant. Da y cỽpleeist dy ne+
ges heb y charlymayn a|thitheu a geffy mo+
lyant ac anryded maỽr tra vych uyỽ am y lla+
uur hỽn. Ac ar hyny kyrn kychwyn a berit
eu kanu yn arỽyd yr llu. a llawenhau a oruc
paỽb o|r arỽyd hỽnnỽ a dattynnu eu pebyll+
eu ac ymbaratoi y eu hynt dracheuyn a chyn+
nullaỽ y gyt eudaoyd gỽascaraỽc a dodi eu
sỽmereu ar eu meirch a|chymryt eu hynt da+
munedic dracheuyn. Ac nyt oyd vỽy no dỽy
villir* y ỽrthunt pyrth yr yspayn pan doyth
aỽr gosper y gymell arnadunt teruyneu eu
iỽrnei. Ac yna tynnu eu pebylleu ar y mays+
tir. yn eu hol hỽynteu yd oyd petwar can mil
o baganyeit aruaỽc yn eu hymlit yn diarỽy+
bot. Ac nyt oyd bell y ỽrth y ffreinc yd oydynt
hỽynteu y nos honno yn ymdirgelu. y nos
hagen a llauur y hynt charlymayn a|y go+
hodes ar hun. A|thrỽy yr hun honno y dan+
gosset idaỽ yn amlỽc dyuot collet idaỽ rac
llaỽ am y wyr. Ef a welit idaỽ y vot ym
pyrth yr yspayn. val yd oyd hagen a gleif
a welei yn|y laỽ. Ac ar hyny y deuei wenwlyd