Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 48v

Ystoria Carolo Magno: Can Rolant

48v

o|th bruder di imi lle y ymgaffel ỽrth ymlad
a rolond. A minheu a rodaf itti aruoll y crei+
reu mahumet onym lledir i yn gyntaf y
lladaf vi e·uo. Ac odyna y doyth ar wenwy+
lyd cliborin a|rodi helym idaỽ gan dywedut
val hyn kymer y rod hon ỽryanc val y may
eur coyth yn rỽymaỽ ac yn saỽduryaỽ y pet+
warayneu. mayn carbỽnculus heuyt yssyd
ar y gỽarthaf ygkymerued y petwar llaf+
yn. ac o rym hỽnnỽ y goleuhaa hyt nos ve+
gys hyt dyd. Ot ym atwen i am raclyd
heb y gỽenwlyd mi a baraf it dy vynnu am
hyny. Ac yn ol y rei hyny y doyth ar wen+
wlyd brannỽnd gỽreic varsli ac ymdidan
ac ef val hyn. Amlỽc yỽ arnat ti heb hi a+
rỽydon boned maỽr. A marsli a|y wyrda gan
y dylyu yssyd y|th enrydedu di. A minheu a
enrydedaf dy wreic di o|r cay hỽn. yr hỽnn
a ỽn ni bot yn wiỽ idi enryded o|th achaỽs di.
kyt boyt maỽrweirthaỽc eur y kay hỽn heb
hi bychydic yỽ hyny eissoys ỽrth y mein ma+
ỽrweirthaỽc yssyd yndaỽ. gỽell yỽ y kay hỽn
y hun no holl dlysseu cristynogyon. Ny allei
holl olut aỽch charlymayn chỽitheu ymgy+
ffelybu ar kay hỽn herwyd y wyrtheu. A ch+
hyt boyt mor vaỽrweirthaỽc y cay hỽnn a
hyny ny byd ef namyn dechreu rod y|th wreic
di cany byd dirran hi byth bellach nac o|m
karyat i nac o|m da. Ac ynteu a kymerth