Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 47r

Ystoria Carolo Magno: Can Rolant

47r

di yn amlỽc y vot yn oydaỽ yr hỽn yssyd di+
heu genhym ry gỽplau o·honaỽ o|y anediga+
yth hyt yr aỽr hon deucant mlyned. Blinaỽ
ry oruc o|lauuryaỽ llawer trỽy lawer o tyer*+
nassoyd a llawer o vrenhinaytheu a darestyg+
ỽys o|y arglỽydiayth. A|llauer o vrenhined a
gymellỽys oc eu teyrnassoyd y alltuded. Ac y
weithyon amseraỽl oyd idaỽ gorffowys yn ffre+
inc y hun y dreulaỽ byrder y vuched drỽy le+
wenyd a|digriuỽch a llonydỽch. Nyt y velly y
may y brenhin charlymayn heb y gỽenwlyd
ny hepkyr y oydran ef o vaỽredigrỽyd ac
angerd. nyt oys lafur a arsỽytto nac a greto
y vot yn anaỽd ac nyt oys neb ryỽ gedern+
yt yr y Jeuenctit nac a veidyo nac a allo gỽr+
thỽynebu y heneint ef. Mỽy heuyt yssyd o vo+
lyant a chenedueu da ar charlymayn noc
a allei neb y dywedut. Ac ny ellit datcanu y
gyniuer daỽn a gauas charlymayn y gan
ehalayth rodyadyr* yr holl donyeu. Ny dywe+
daf|i eissoys na aller ychydic ỽrthỽynebu y
angerd ef pei cospit rolond yr hỽn yssyd laỽ
deheu y charlymayn yr hỽn y llauurya ef
o|y gedernyt y saỽl ar veint a lauurya Ca+
nys pa|le bynhac y kerdo charlymayn a|y lu.
rolond a dric y ol ac oliuer y gedymdeith ar
deudec gogyuurd y gyt a|chan mil o|r ffreinc
y gadỽ y brenhin. ar llu blaynaf rac perigleu
yn ol. Ac nyt oys ynteu neb a veidyo ymbro+