Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 45v

Ystoria Carolo Magno: Can Rolant

45v

yf ac ymdidan ac ef yn|y wed hon. Ach|cledyf
da prouadỽy yỽ gennyf i dy vot ti yn ffydla+
ỽn hyt hyn yn llawer o berigleu yr aỽr hon
minheu a profaf dy ffydlonder di. ny liwya
charlymayn imi byth vy llad yma ymlith
saracinneit heb ymdiala. Hedychỽn yr an+
nundeb hỽn heb y paganyeit ac edrywyn a
orugant y gỽyr kyndeiraỽc. Ar rei prudaf
onadunt a agreiffdyassant varsli ac a|gwa+
hardassant. ac a|dywedyssant idaỽ bot yn
dybryt ac yn anurd kodi kennat ac na wa+
randawer y ymadraỽd a|y genadỽri heb 
kayntach. Mynho na vynho heb y gỽen+
wlyd dir vyd idaỽ gỽarandaỽ kenadỽri
charlymayn onyt agheu a|daỽ imi yn|y bla+
yn. ac a werendeu o newyd yr ymadraỽd a|dech+
reueis i. A gỽedy tynnu llinin y ysgin dros y
vynỽgyl. a|y cledyf yn|y laỽ dynessau ar var+
sli a dechreu datcanu kennadỽri charlyma+
yn o newyd val y klywei paỽb y gyffroi y
gỽr yn|y mod hỽn. Yny vo mỽy y dolurych
di varsli a mỽy dy gyffro a|th lit mi a hys+
pyssaf ytti etwa kennadỽri charlymayn.
Sef yỽ hyny gorchymyn ytti ymhoylyt
ar ffyd gatholic. Ac ymadaỽ a geudỽyeu a
chymryt bedyd a rodi ffydlonder y|th creaỽ+
dyr ac ym·rỽymaỽ ar dal dy linyeu yg
gỽryogayth ac yn vuyd wassanayth y
charlymayn. Ac ynteu a ryd itti hanner