Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 41v

Ystoria Carolo Magno: Can Rolant

41v

horỽr y hyny heuyt o|y syberwyt a|y valchder.
Ac y velly y may rolond ettwa yn mynnu byr+
hau vy oys inneu. Ac yssyd ym kassau. Ac am
hyny arglỽyd paham y kyt·synnyy di a|y sy+
berwyt ef am vy anuon i y bedrus agheu o
annoc rolond val y dihenydyỽyt basin a|basil
o|y annoc ac o|y gyghor. A nei ab ychwayr
itti yssyd vab y mi baỽtwin yỽ y heno ac ar+
debic yỽ arnaỽ o|y vaybolyayth y byd gỽr grym+
us a hỽnnỽ a orchymynaf|i itti rac rolond. Ry
van yỽ dy vedỽl di a  eureigeid. A chywilyd yỽ
bot gỽr mor vygỽl y ymadraỽd a hyny am
vab. Ac ar hyny yn llidyaỽc ofnaỽc am y
vynydyat ar varsli bỽrỽ mantell oyd ymda+
naỽ. Ac ymdangos o wisc bur goch. val y gỽe+
lei paỽb. Ac edrych a oruc ar rolond heb arbet
o|y anryded. A dattot ỽrth·aỽ chwerwed y ved+
ỽl val hyn. Rolond tra syberỽ heb pa gyndar+
ed a pha dryc yspryt yssyd y|th kyffroi di val
na ellych orffowys. ac na|s gedy y ereill. Se+
ith mlyned yr aỽr hon yd etteleisti holl wyrda
ffreinc yn yr yspayn yn llauuryaỽ ryuelu
yn wastat. heb na hun gymedraỽl na bỽyt
na diaỽt yn amser. na gỽahanu ac yn har+
ueu. na nos na dyd. dielỽ yỽ gennyt eu hen+
eit ac eu gỽayt. Ac yny lanwer dy gyndar+
ed di ny didory pa veint o wyrda ffreinc a di+
waher. A chyt bydỽn llystat i itti karyat 
tat a rodassỽn i arnatti. A gỽayth no llysuab