Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 36v

Ystoria Carolo Magno: Chronicl Turpin

36v

estygeis y gristonogaỽl dedueu ac a ymhoyleis
y holl vrenhined y dan vy arglỽydiaeth. A phan
ymhoyleis inheu y ffreinc y lledeist titheu cris+
tynogyon duỽ ac y distryweist vygheiryd in+
heu am kestyll a diua yr holl wlat o tan a chled+
yf o|r hyn yd ỽyf i yn gyndrychaỽl yn|y gỽynyaỽ
yn vaỽr. A phan adnabu aigolant ymadraỽd
arabu a reuedu a oruc. a llawenhau. Canys sar+
acineit ry|dyssgassei charlys yn tulet pan vuas+
sei gynt yn ieuanc yno. Ac y dywat aigoland
ỽrthaỽ. mi a archaf itti heb ef dywedut imi pa+
ham y goresgynnut ti dir ny perthynei it o dref+
tadaỽl dylyet nac y|th tat nac y|th hendat nac
y|th or·hentat y gan yn kenedyl ni. Dywedaf
heb charlys ỽrth ry|dethol oc an harglỽyd ni
iessu grist creaỽdyr nef a dayar an kenedyl ni
cristonogyon ymlaen pob kenedloed ereill ac
a ossodes y bot yn pennadur ar pob kenedyl
o|r holl uyt. Ar meint a elleis inheu mi a ymhoy+
leis dy genedyl saracinneit titheu ỽrth an ded+
yf ninheu val anheilỽg iaỽn heb yr aigolant
oed gestỽg an kenedyl ni yr einỽch chwi pan
vo gỽell an dedyf no|r einỽch. May ini mahu+
met a vu gennat duỽ ac a anuones i|inheu
a|e orchymyneu a gatwỽn a duỽeu holl gyuo+
ythaỽc yssyd yn a dangassant* yn y peth+
eu a uo rac llaỽ o arch mahumet ac hỽynteu
a anrydedỽn ni trỽy rei y buchedoccaỽn ac y
gỽledychỽn. Aigoland heb charlys yd ỽyt y