Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 2v

Ystoria Carolo Magno: Chronicl Turpin

2v

yr yspryt glan. Yn|y personneu y may priodolder.
ac yn dỽyolyayth y mae vnolder. Ac yn|y medy+
ant y mae kyphelybrỽyd. vn duỽ trindaỽt
yr egylyon yn|y nef. A|thri a welas y vraham
ac a adoles. Dangos ym hyny eb y kaỽr pa de+
lỽ y may tri yn vn. Dangossaf yt heb y rolond
trỽy y creadureit dayraỽl. Megys y may tri
pheth yn|y delyn pan vo yn canu. nyt amgen
keluydyt a|thaneu a|llaỽ. Ac eissoes vn delyn yỽ.
val hyny y may tri pheth yn nyỽ. tat a mab.
ac yspryt glan. ac vn duỽ yỽ. Ac val y may yn
yr amandlys tri pheth. nyt amgen. Risclyn.
a|phliscyn. A chynewillyn. ac eissoes vn aman+
dlys yỽ. val hyny y may teir person y vn duỽ.
Yn|yr heul y may tri pheth. Gỽyn. ac eglur.
a|gỽressaỽc yỽ. Ac eissoes vn heul yỽ. Yn ol
ỽyn y ven y may tri pheth. both. A breicheu.
A|chylch. ac eissoes vn olỽyn yỽ. Yn oet dyhun
y mae tri pheth. Corff. ac aylodeu. Ac eneit. Ac
eissoes vn dyn ỽyt. val hyny y mae duỽ yn
vn ac yn tri. Ny ỽn ni hagen ba ffuruf y ge+
nis y tat y mab mal y dywedy di. A|gredy di
heb y rolond gỽneuthur o duỽ adaf. Credaf
heb y kaỽr. Mal na anet adaf heb y rolont
y gan neb. Ac eissoes ef a anet meibyon ida+
ỽ ef. y velly ny anet duỽ tat gan neb. Ac e+
issoes ef a anet y vab ef yn dỽywaỽl val y
mynnỽys kyn noc amseroed val na ellir
y datcanu. Da y dywedy heb y kaỽr pa de+