Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 24v

Ystoria Carolo Magno: Rhamant Otfel

24v

gywreint. yn|y deu kỽr ereill yr daroed ysgyth+
ru yr heul ar lloer. A hyny drỽy lauur maỽr
ac ystudyau. Yn|y harwest nyt oyd dim eith+
yr pali odidaỽc. ar ystyllen oed mayn daima+
ỽnt calet. Ac odyna hỽynt a dugyssant id+
aỽ palader kadarn a phen da arnaỽ. Ac ys+
tondard odidaỽc o goch a gỽyrd o vlayn y
gỽayỽ hyt y dỽrn. A Jerius iarll a wiscỽys
ysparduneu eur ac aryant am y drayt. mar+
ch a ducpỽyt idaỽ oyd gynt y redei noc y ker+
dei y quarel pan ellyghit o alblastyr cadarn.
Ac na wnayth duỽ yn llỽdyn arall kyfret ac ef.
nac a|e canymdaei ar|tal y ergyt sayth. y kyf+
rỽy oed cristal ar hoylon oydynt aryant. Ar
panel o bali maỽrweirthaỽc. Ar gỽarthafleu
oed eur coeth ysgythredic. Ac yna yr iarll
a ysgynnỽys. yn gyamysgaỽnet ac na dodes
nay droet yn|y warthauyl. Ac nat ymauaylỽys ar
goryf a gollỽg neit y varch ygỽyd y niuer.
a|wnayth. ac ym·hoylut at charlys dray·geuy+
n dan ychwerthin a dywedut ỽrthaỽ arglỽ+
yd heb ef dyro ym dy gannyat a|th vendith.
Ac o·dyno o|r daỽ y saracin y ymlad ym ny 
byd gỽaranrỽyd idaỽ am y eneit. Nei heb
y brenhin yr neb a wnayth y nef ar dayar
y|th orchymynaf a phoyt ef athiffero rac
drỽc a dyrchauel y laỽ a wnayth a|y groissi.
Ac yna rolond a vrathỽys y varch tu ar
weirglaỽd a hyt yn oyt y meibon ar moryn