Breudwd Rhyddiaith Gymraeg 1300-1425
English

LlGC Llsgr. Peniarth 9 – tudalen 14r

Ystoria Carolo Magno: Rhamant Otfel

14r

y sayth o|r llinin ar amỽs drythyll llamsachus
val y gỽelas y arglỽyd a|y hadnabu ac ynteu
a yscynỽys arnaỽ a gỽell o ragor y gỽydyat
ef ỽrth ymlad no|r gof kywreinhaf y ỽrth ta+
raỽ a mỽrthỽl. Ac yna gollỽg neit kywre+
int a oruc y varch ac ymhoylut draygeuyn
at belisant. a dywedut ỽrthi vnbenes vonhed+
ic heb ef duỽ a diolcho it da iaỽn yr wiscỽ+
yt ymdanaf. a dyro y dy|gennat. A marỽ vyd
rolond gennyf vinheu yn diannot wedy
hyny. Ac yna y dywaỽt belisent ymogel
di yn da hagen heb hi rac dỽrndal. ac onyt
ymdiffyny di yn da a churseus racdaỽ ef. ny
chynhelir dinas o·honat ti byth bellach. Ac y
geireu hyny y kerdỽys racdaỽ. Ac oger ly+
danais. A Neimys tywyssaỽc kadarn. a|y
kenhebrygassant hyt y weirglaỽd y lle yd o+
yd rolond. A charlys a|dercheuis y ffenestri
uchel ac a elwis ar yr vn gogyuurd ar|dec
attaỽ ac a erchis udunt dyuot gyt ac ef.
Ac a|beris y paỽb o|r ffreinc vynet o|r weir+
glaỽd a|y hadaỽ yr deu varchaỽc. Ac ody+
no yd erchis udunt hỽynteu ymlad pan
vynhynt o hyny allan. ac otuel a dywa+
ỽt y uot ef yn baraỽt.
AC yna y dywaỽt rolond ỽrth y pagan
anffydlaỽn. mi a amdiffyaf a|thi o
hyn allan bellach heb ef. A minheu a|thithe+
u heb yr otuel y gyffylybrỽyd. Ac ymogel