Breudwd Rhyddiaith Gymraeg 1300-1425
English

LlGC Llsgr. Peniarth 6 rhan iv – tudalen 48

Geraint

48

thorri yr eil. A thorri y tryded. A dyrnodeu kaletwhyrn kyf+
lymdrut a|rodei pop vn o·honunt y|gilyd. Ac yn|y diwed llit+
yaỽ a oruc Gereint. a gordinaỽ y varch a|e gyrchu. A gossot ar+
naỽ yg|kymherued y|taryan hyny hyllt. Ac yny uyd pen
y|gỽayỽ yn|y arueu. Ac yny tyrr y holl gegleu. Ac hyny
vyd ynteu dros pedrein y varch hyt gỽayỽ gereint a hyt y
vreich yn ỽysc y pen y|r llaỽr. Ac yn gyflym tynnu cled+
yf y vynnu llad y pen. Och arglỽyd heb ynteu dy naỽd.
A thi a geffy a uynnych. Ny mynnaf heb ynteu nam+
yn na bo yma byth y gỽaryeu hyn na|r kae nyỽl na|r
hut na|r lletrithwaryeu. ti a geffy hynny yn llawen ar+
glỽyd. Par titheu vynet y|nyỽl o|r lle heb·y Gereint. kan ti y
corn racco heb ef. A|r aỽr y kenych ef a|a y|nyỽl ymdeith.
Ac yny kanei ef varchaỽc a|m byrryei i. nyt aei y nyỽl
byth odyma. A thrist a gofalus oed enyd yn|y lle yd oed
rac pryder am ereint. Ac yna kanu a oruc Gereint y corn. a|r aỽr
y rodes vn llef arnaỽ yd aeth y|nyỽl y ymdeith. Ac y doeth
y nifer ygyt ac y tagnefedỽyt paỽb o·honunt a|e gilyd.
A|r nos honno y gohodes yr iarll Gereint a|r brenhin bychan.
A thrannoeth y gỽanhanyssant ac yd aeth Gereint. parth
a|e gyfoeth e|hun. Ac ny bu gynnyd ar Ereint o hynny
allan.