Breudwd Rhyddiaith Gymraeg 1300-1425
English

LlGC Llsgr. Peniarth 6 rhan iv – tudalen 42

Geraint

42

a oruc ynteu tynnu cledyf a|e gyrchu ef a|e taraỽ dyrna+
ỽt tostlym athrugar angerdaỽldrut y gwarthaf y
pen. hyny hyllt y pen a|r mynỽgyl idaỽ hyt y dỽy yscỽ  ̷+
yd. ac yny dygỽyd ynteu yn varỽ. Ac eu hadaỽ yn varỽ
a oruc uelly. A dyuot yn|yd oed enyd. A phan weles ef
enyd y dygỽydaỽd yn varỽ y|ar y varch. Diaspat athru  ̷+
gar aruchel ditaweldost a rodes enyd. A dyuot uch y
penn y|lle y|dygỽydassei. Ac ar hynny nachaf yn dyuot
ỽrth y diaspat iarll lymỽrs a nifer oed gyt ac ef. A oed  ̷+
ynt yn kerdet y fford. Ac o achaỽs y diaspat y doethant
tros y fford. Ac yna y dywaỽt y iarll ỽrth enyd. A vnben  ̷+
nes heb ef py deryỽ itti. A ỽrda heb hi llad y gỽr mỽyhaf
a gereis eirmoet ac a garaf byth. Py beth heb ef a deryỽ
it|titheu. ỽrth y llall. llad heb hi y gỽr mỽyhaf a|garỽn
inheu heuyt. Py beth a|e lladaỽd ỽynt heb ef. y keỽri
a ladaỽd y gỽr mỽyhaf a garỽn i. A|r marchaỽc arall a
aeth yn eu hol. Ac val y|gỽely ti euo y|doeth y|ỽrthunt
A|e waet yn colli mỽy no messur. A thebic yỽ genhyf|i
na doeth y|ỽrthunt heb lad ae rei onadunt ae cỽbyl. yr
iarll a peris cladu y|marchaỽc a edewssit yn varỽ. Ynteu
a|tebygei bot peth o|r eneit yg gereint ettwa. Ac ef a peris y
dỽyn y|ỽ lys ygyt y edrych a uei uyỽ. ym|plyc y taryan.
ar elor. A|r dỽy vorỽyn a doeth y|r llys. A gỽedy eu dyuot.
y|r llys. y dodet Gereint ar yr elor uelly ar talbord yn|y neuad.
Diarchenu a oruc paỽb o·nadunt. Ac erchi a oruc yr
iarll y enyd diarchenu a chymryt gỽisc arall ymdanei.
Na vynnaf yrof|i a duỽ heb hi. A vnbenes heb ef na
vyd kyn tristet ti a hynny. Anhaỽd iaỽn yỽ vyg kyg+