Breudwd Rhyddiaith Gymraeg 1300-1425
English

LlGC Llsgr. Peniarth 6 rhan iv – tudalen 18

Geraint

18

a|phaỽb o|r llys. A hyspys oed gan paỽb o·nadunt pei ky  ̷+
hyttrei gossymdeith y vorỽyn a|e phryt na welsynt eiro  ̷+
et vorỽyn ỽympach no hi. Ac arthur a|uu rodyat ar y vor  ̷+
ỽyn y ereint. A rỽym a|wneit yna yrỽg dynyon a|wnaeth  ̷+
pỽyt yrỽg Gereint a|r vorỽyn. A dewis ar holl wiscoed gỽ  ̷+
enhwyuar a|rodet y|r uorỽyn. A|r neb a|welhei y uorỽyn yn|y wi  ̷+
sc honno. ef a|welei olỽc wedeidlỽys arnei. A|r dyd hỽn  ̷+
nỽ a|r nos honno a treulassant trỽy gerdeu a didanỽch
ac amhylder o anregyon ac amryfal wirodeu a|lluos  ̷+
syd o waryeu. A phan uu amser ganthunt vynet y
gyscu ỽynt a|aethant. Ac yn|yr ystauell yd oed wely arthur.
a gỽenhwyuar y|gỽnaethpỽyt gỽely Gereint   ac enyd. A|r
nos honno gyntaf y kyscassant ygyt. A thranoeth
y llonydaỽd arthur yr eircheit dros ereint. o ditlaỽt rodyon.
A cheneuinaỽ a oruc y uorỽyn a|r llys a dỽyn ketymde  ̷+
ithon idi o wyr a|gỽraged hyt na dywedit am vn vorỽyn
yn ynys prydein mỽy noc ymdanei. Ac yna y dywaỽt
Gỽenhwyuar. Jaỽn y medreis i heb hi am pen y karỽ na rodit
hyny delei. Ereint. A|llyma le iaỽn y rodi ef y Enyd verch y  ̷+
nyỽl y uorỽyn glotuoraf. ac ny thebygaf neb a|e gỽar  ̷+
afunho idi kanyt oes yrydi a|neb namyn yssyd o garyat
a|chetymdeithas. Canmoledic uu gan paỽb hynny. A
chan arthur heuyt. A rodi pen y karỽ a|wnaethpỽyt y
enyd. Ac o hynny allan lluossogi a oruc y chlot a|e chet  ̷+
ymdeithon o hynny yn uỽy no chynt. Sef a|oruc Gereint
o hynny allan karu tỽrneimeint a chyfranceu kalet
a budugaỽl y|deuei ef o pop vn. A blỽydyn a dỽy a the  ̷+
ir y bu ef yn hynny. hyny yttoed y glot gỽedy ehedec