Breudwd Rhyddiaith Gymraeg 1300-1425
English

LlGC Llsgr. Peniarth 6 rhan iv – tudalen 17

Geraint

17

*y vorỽyn. y wenhwyuar heb ynteu a|e llaỽuorynyon. Ac ynteu
a|e Gorchymynỽys. Eu chwedyl ỽy hyt yna. Trannoeth
y|doeth Gereint. parth a|r llys. A|discỽylyat a|oed ar y gaer gan
wenhwyuar rac y dyuot yn|dirybud. A|r disgỽylat a|doeth att
wenhwyuar. Arglỽydes heb ef Mi a|tebygaf heb ef y|gỽelỽn
Ereint. a|r vorỽyn gyt ac ef. Ac ar varch y|mae ef a phedyt  ̷+
wisc ymdanaỽ. y vorỽyn hagen val gorwyn y|gỽelỽn.
A|thebic y|lieinwisc a|welỽn ymdanei. Ymgyweirỽch oll
wraged heb·y Gỽenhwyuar. Ni a aỽn yn erbyn Gereint. y raessaỽ
ac y|uot yn llawen ỽrthaỽ. A dyuot a|oruc Gỽenhwyuar yn er  ̷+
byn Gereint a|r vorỽyn. A phan doeth Gereint yn|yd oed wenhwyuar.
kyfarch gỽell a|oruc idi. Duỽ a|rotho da itt heb hi a|graess  ̷+
aỽ ỽrthyt. A hynt frỽythlaỽn donyaỽc hyrrỽyd glotuaỽr
a dugost. A duỽ a|talho itt peri iaỽn im yn gyn|ualchet
ac y pereist im. Arglỽydes heb ef mi a|ry|buchỽn peri ia  ̷+
ỽn itt ỽrth dy ewyllis. A llyma y|uorỽyn y keueist ti dy di  ̷+
warthrudyaỽ o|e hachaỽs. Je heb·y Gỽenhwyuar Graessaỽ duỽ
ỽrthi. Ac nyt kam im vot yn llawen ỽrthi. A dyuot y|my  ̷+
ỽn a orugant A discynnu. A mynet a|oruc Gereint. y ymwe  ̷+
let ac arthur. a|chyfarch Gỽell idaỽ. Duỽ a rotho da itt heb+
yr arthur. A graessaỽ duỽ ỽrthyt. A chyt kaffo edern. Mab.
nud gofit a|chlỽyfeu ygenhyt; hynt lỽydyanus a|dugost.
Nyt arnaf|i y|bu hynny heb·y Gereint. namyn a*|ryuyc edern
e|hun. nat ymgystlynei. nyt ymdidanỽn inheu ac efo
hyny ỽypỽn pỽy vei. neu yny orffei y|neill ar y llall. A|ỽr
heb·yr arthur. Mae y|uorỽyn a|gigleu y bot y|th ardelỽ ti.
y Mae gyt a|gỽenhwyuar yn|y hystauell. Ac yna y|doeth arthur
y welet y vorỽyn. A llawen uu ỽrthi a|e getymdeithon

 

The text Geraint starts on line 1.