Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 96v

Ystoria Carolo Magno: Pererindod Siarlymaen

96v

149

varchogyonn yn eu seuyll. ac
eu blaenoed y vynyd y·dan y  ̷ ̷
tỽr vchaf idav a mi a ymellyg  ̷+
af o benn y|tỽr yn vn cỽymp y+
ny vỽyf ar vlaen y cleuydev y+
ny dorro eu blaenev yn|diargy+
ỽed ymi. Dyoer heb y gỽaran  ̷+
daỽr nyt dyn a|dyỽeit yr aỽr
honn. ac nyt corff dynyaỽl
yỽ yr eidaỽ. namyn hayarnn
nev atmant os gỽir a|dyỽeit.
[ Bernart biev gỽare ỽeith  ̷+
on. yn llaỽen heb hỽnnỽ. yr a  ̷+
uon a|ỽelsaỽch chỽi gynnev
odieithyr y dinas. mi a|e tros  ̷+
saf o|e chanaỽl yny vo llaỽn
yr ystradoed a|r tei. hyt n·a bo
yn|y dinas lle heb dỽfyr yndaỽ.
ac yna y|gỽyl hu y niuer ar
vaỽd. ac ereill ar naỽf. ac a+
breid y|dieinc hu e|hun y benn
y|tỽr vchaf rac meint y|mor  ̷+
gymlaỽd. Dyoer heb y gỽar  ̷ ̷+
andaỽr nyt synhỽyrus y|dyn
a|dyỽeit val hynn. a mi a|bar+
af yn vore avory y|vỽrỽ o|r|di+
nas am bỽyth y gelỽyd. [ Y|eỽ+
rart digyrỽyd y daỽ gỽare  ̷ ̷
ware weithon. Mi a|ỽaryaf
yn llaỽen heb yntev. paret
hu gadarnn avory llenỽi ker+
ỽyn o|blỽm brỽt. a minhev a
eistedaf yndi yny reỽho y|m
kylch. ac yna mi a ymysgyt  ̷+
ỽaf yny el kỽbyl o|r plỽm y|ỽr+
thyf. Dyoer heb y gỽarandaỽr

150

hayarnn nev dur yỽ knaỽt hỽn+
nỽ o|r cỽplaa y aruaeth. Hay  ̷ ̷+
mer gỽare ditheu weithonn.
mi a ỽnaf arglỽyd heb yntev.
heulrot yssyd ym o groen ryỽ
bysc. ac a honno avory am vym
penn mi a sauaf ger bronn hv
pan vo yn kinnaỽu. a mi a vỽy+
ttaf ygyt ac ef. ac a yfuaf
heb gygraf arnaf. a mi a gy  ̷+
meraf hu ervyn y deu·troet
ac a|e dodaf yn|y seuyll ar y benn
ar ỽarthaf y bỽrd. ac yna y
byd kynnhỽryf maỽr ac ym+
ffust yn|y neuad. a phaỽb ona+
dunt yn ym·gnith a|e gilyd.
Di·amhev heb y|gỽarandaỽr
colli o|r hỽnn y bỽyll. ac ny
bu gerth pỽyll y|gỽr a lettyei
y ryỽ bobyl honn. [ Gỽaryet
petram bellach. paraỽt ỽyf|i heb
ef. Mi a gymeraf dỽy taryan
avory vn o bop tu ym megys
dỽy adein. ac a|sgynnaf dan
ehedec ar benn y|mynyded vch+
af a|ỽelsaỽch i doe. ac a|ymdyr+
ch·auaf y|r aỽyr trỽy yr ỽy  ̷+
byr dan ysgytỽeit y|taryan  ̷ ̷+
nev o bop tu ym o|deuaỽt edyn
amysgaỽn val y|m gỽeler o+
duch yr holl adar. a mi a|yrraf
fo ar ỽyth milltir odieithyr
y|dinas ar yr holl vỽystuileit
odieithyr y koedyd. a|r emeith
a|diỽyll y|tired rac ofyn yr edyn.
Nit digrif heb y|gỽarandaỽr