Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 92r

Ystoria Carolo Magno: Pererindod Siarlymaen

92r

131

chỽi y·gyt a|mi yr aỽr honn.
nyt amgen. y pererindaỽt da  ̷+
ear caerussalem yn|y lle y|n pryn+
nỽyt ni o ỽaet yn harglỽyd.
a gỽedy y bererindaỽt y reig
bot ym ymỽybot a hu vrenhin
yr hỽnn a goffa y|vrenhines y
ragor rogof|i. A gỽedy yr ama+
draỽd brenhinaỽl. a theruynnv
y cỽnsli. Y gỽyrda a ym·paratoys+
sant y eu hynt gyt a|r brenhin.
a|rei a|oed digaỽn meint eu gall+
u o|r eidunt e|hunein. brenhin+
aỽl ehalaethder ac eu gỽnaeth
yn vỽy eu gallu. Ef a rodes v+
dunt llurygev. a|chleuydev. a  ̷
helymev. a phob kyfryỽ aruev
o|r a|vei reit y|ỽassanaeth march+
ogyon. Ac nyt reit yni na go+
hir na llauur y ganmaỽl y ro+
dyon. pan aallo y rodyon ym·dan+
gos yn am·lỽc o helaethder y
rodaỽdyr. Eur. ac aryant a
chỽanegỽys y rac·dyỽededigy+
on rodyon hynny. a phỽy|byn+
nac a vynho gỽybot meint
hynny ef a|digaỽn e|hun adna+
bot eu bot yn hehalaeth* yny
medylyho. ac yd edrycho maỽre+
digrỽyd eu rodaỽdyr. A gỽedy
kymryt arỽyd y|groc ar eu hy+
sgỽydev. y brenhin a|e ỽyrda a
gymerassant eu hynt parth
a|dayar garusalem. a|r vrenhines
yntev o gyffredin gygor y|gỽyr  ̷+
da a edeỽit ym paris yn boene  ̷+

132

dic. o vryt. a dolur. a thristit.
a gỽedy eu kerdet o·dieithyr y
dinas ỽynt a gyrchassant gỽa+
statrỽyd ehalaeth. ac amhyl.
a|r maestir hỽnnỽ a gyuodes yn
dỽst ac yn blỽr gan amylder y
meirch. ac eu kynhỽryf yny
oed y dỽst yn kyuodi vch eu
pennev yn ỽybyr. ac yn ty ỽyll*+
ỽll y gudyaỽ y·rygtunt a|r aỽ+
yr. ac a pheleidyr yr heul. ac
yn aỽr hanner dyd ym·gyfyly+
bu y gyflychỽr gan ogyuadav
y|nos yn eu hol yn diannot.
Amylder a riuedi y|niuer hỽn+
nỽ a a·daỽnn ni val peth annei+
ryf. pan vei petỽar vgein mil
o|tyỽyssogyon. pỽy eithyr duỽ
holl·gyuoethaỽc. a allei riue+
di y niuer ac eu cannhlynei
hỽyntev. Ac yna y kilyỽys y
brenhin ychydic y|ỽrth y|ỽyrda
a|galỽ attaỽ betram iarll. a|dy+
ỽedut vrthaỽ val hynn. Digrif
yỽ gennyf|i heb ef gỽelet am+
ylder y|niuer bonhedic hỽnn.
nyt mỽy o genedyl noc o|ỽeith+
redoed. a pha deyrnnas a allei
y gallu ym·geffelybu a|theyrn  ̷ ̷+
nas freinc. Neu pỽy o|r bren  ̷+
hined a ellit y varnnv yn gyfo+
ethach no|r hỽnn a|vei arglỽyd
ar|y saỽl gyuoethogyon hynn.
edrych y veint a|r saỽl vilyoed
a|raculaena yn|y vydin gyntaf.
a|theỽet y bidinoed yn eu hol