Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 91v

Ystoria Carolo Magno: Pererindod Siarlymaen

91v

129

namyn trỽy gelỽyd llad y ene+
it nyt teillỽg y hỽnnỽ caffel
trugared. Reit yỽ yti heb ef
menegi ymi y brenhin a|dyỽe+
deist. Pa furyf heb hi y|gellir
manac ar vrenhin ny aller ca+
ffel y gyfryỽ. Ac yna y|tygỽys
y brenhin y goron y|teyrnnas
ỽedy y irllonhaỽ ohonaỽ diei+
thyr mod onyt enỽei y brenhin
a ry gyrbỽyllassei y lledit y
phenn a|chledyf yn|diannot.
a|phan giglev y|vrenhines llỽ
y|brenhin. y|gỽybu vot yn dir
idi yenỽi y brenhin ry gyrbỽyll+
assei. yr hỽnn a|oed deỽissach
genti pei ry|daỽssei ymdanaỽ.
O vrenhin enrydedus heb hi dy+
ro di ymi naỽd. a chanyat y  ̷
dyỽedut. Hu gadarnn yr hỽnn
yssyd yn llyỽyaỽ amherodra  ̷ ̷+
eth corstinobyl a|dyelleis. i. yr
hỽnn a giglef|i bot yn gymeint
y gyuoeth a|e olut. ac nat oes
neb a allo na e ỽybot na|e gyf  ̷+
rif. eithyr duỽ e|hun yr hỽnn
a|ỽyr kyfurif y|syr. a|thyỽaỽt
y ỽeilgi. yr hỽnn a|giglef bot
yn gynn amlet y|ỽyrda ac yn
ỽychet ac nat oes gỽyr bren  ̷+
hin eithyr rei tev di a allo ym+
gyffylybu vdunt. Yr hỽnn a|gi+
glef i y|vot yn gymryt a bot
yn didan ac yn digrif gan a e  ̷+
drycho arnaỽ a|tal eu golỽc
arnaỽ. Os gỽir ry|dyỽeist*| ̷

130

heb y brenhin ti a geffy vadeu+
eint am dy ymadraỽd. Os gev
yntev. Megys y|gỽeda y euaỽc
yn|diannot y|th lebydiir. A|hyt
nat annotter gobyr dy geỽilyd
it. nyt annodaf inhev mynet
y ỽybot yr hu hỽnnỽ. Gỽedy
lleỽenyd y ỽled a gỽiscaỽ coron
y|deyrnnas yn seint ynys. ac
ymhoelut y|brenhin y|paris.
eisted a oruc yno yn|y neuad vren+
hinaỽl a|e ỽyrda yn|y gylch y rei
bonhediccaf yn nessaf idaỽ. ac
a vei lei eu bonned yn bellach y
ỽrthaỽ. Yno yd oedynt yn gynn+
drychaỽl. y deudeg gogyuurd.
nyt amgen. Turpin archescop.
Rolond nei y|brenhin. Oliuer
y|getymdeith. Gỽallter o orreins.
Naimys gadarnn a gỽychyr.
Oger o|denmarc. Gereint.
Gerrard. Brengar. Betram.
llaỽ gadarnn. Bernard iarll.
Evrard dygirỽyd. a llaỽer o
wyrda. a marchogyon ereill y
rei a|hanoed eu boned. ac eu rie+
ni o dayar freinc yn|y veint vy+
din mor vonhedic a|honno. yd
oed y brenhin ỽedy ry|gyflehav
yn|y kymherued. a phaỽb yn
baraỽt y|warandaỽ. a gostec
da. y|dyỽat y brenhin vrthunt.
O|m ffydlonyon. i. y rei ry bro+
ueis. i. eu gỽechter. ac eu mo+
lyant y|gyniuer gỽeith y|mae
hynt gryno. yn ych gỽahaỽd