Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 87r

Ystoria Carolo Magno: Rhamant Otfel

87r

115

ant a brathu meirch tu ac
at y paganneit. Sef a ỽnnaeth
clarel dyrchauel y benn ac e  ̷+
drych yn erbyn yr heul. ac
argannvot y ierll* yn dyuot tu
ac attunt ỽrth yr afỽynnev.
a galỽ y|getymeithon yn vu  ̷+
an. a|dyỽedut. arglỽydi heb
ef. bit da ych callon. ac ych
pỽyll mi a ỽelaf tri mar·cha+
ỽc ody draỽ yn brathu meirch
parth ac attam eỽch yn|y her+
byn. a gỽybydỽch beth a geissa+
ant. tri yd yỽch|ỽi. a thri ere+
ill y maent hỽyntev. Ac y+
na yn|diohir y gellygỽys y|pa+
ganneit eu hafỽynev y|mei  ̷+
irch. a heb dyỽedut. nac am+
ouyn na phỽy oedynt na pha
du pan deuynt. na pheth a ge+
issynt taraỽ y·gyt a orugant.
Ascanard a|ymỽanaỽd yn er+
byn rolond. ac a|e gỽant ydan
y bogel y|taryan yny holldes
drỽydi. a|thorri y ỽayỽ yn| ̷
vỽn. ac rac daet yr aruev mo  ̷+
y no hynny nyt argyỽedỽys.
Rolond hagen a|e gỽant hỽy
yntev o|e laỽnerth drachefyn
hyt na thalỽys idaỽ na|e tar+
yan na|e luryc na|e holl ar+
uev vn arllegen. a thorri cle+
dyr y dỽyvronn a|hollti y gal+
lon yn deu hanner. a|e vỽrỽ
yntev yn varỽ y|r llaỽr. a dyỽ+
edut deu eir dan chỽerthin.

116

a oruc vrthaỽ. Mab putein.
a geueist|i ymproui a rolond
y gỽr yd oedut yn|y vygythy+
aỽ yr aỽr honn. Turabel a
ymỽanỽys yn erbyn oger
ly curteis. ac a rodes dyrnna+
ỽt maỽr idaỽ yn|y taryan. a
dec modrỽy ar hugeint o|r llu+
ryc. a|r gỽayỽ hayach ynn
ym·gymyscu a e ystlys. ny
thalỽys idaỽ hagen vn byssen.
Oger a|e gỽant yntev trỽy
y daryan a|e luryc a|e holl ar+
uev lliein. a|e gorff ymelltige+
dic yny vyd yn varỽ y|r llaỽr.
ac a|dyỽat deu eir letneis.
Mab putein. oger lydaneys
ỽyf|i heb ef. ac ỽrth rodi y ryỽ
dyrnnodev hynny y|mae char+
lys y|m caru. Balsamin vren+
hin niniuent yn erbyn oliuer
a ymỽanỽys. ac a|e gỽant yn|y
taryan y|lle yd oed llun lleỽ.
ac ny|thygyỽys idaỽ. ~ Oliuer
hagen a|e gỽant ef yn gym+
ỽys drỽy y holl arwydonev tec
a|e aruev a|e gorff lleuedic
yntev. ac yn varỽ a|e byrry+
ỽys y|r llaỽr. ac a dyỽat ỽrth+
aỽ val hynn. y|r diaỽl y|th|or+
chymynnaf y gỽr yd|ymrode+
ist dy hun idaỽ. ac ar hynny
y|brathỽys clarel y|tu ac attaỽ
y dial y|saracin os arhoei oli+
uer. ac y|deuth rolond ar dra+
ỽs yn|y erbyn. ac ef a|e gỽant