Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 86r

Ystoria Carolo Magno: Rhamant Otfel

86r

111

idaỽ val y|gellynt o|r bei reit
vdunt rac llaỽ wnneuthur
marchogyon o·nadunt. ac y·dan
vynyd y|merthyri yd|aethant
ynn vilyoed y gyuaros. ~
A |r dyd kynntaf o ebrill
pan oleuhaỽys y|dyd y
kychỽynnỽys y|brenhin
a|e lu o baris ac y deuthant y
seint ynys. ac odyno y|dechreu+
assant y|ford. ac y kymerassant
gannyat. ac yr adaỽssant eu
gỽraged a|e tylỽythev yn ỽyl  ̷+
aỽ. ac ynn ym·elltigaỽ garsi.
ac y kanyssant hỽyntev eu
kyrnn. a r saỽl y buassei ỽre+
ic tec idaỽ eiroet. neu orderch
vonhedic yn mynet yna ygyt
a|r brenhin y lumbardi. a rolont
a|ossodet yn tyỽyssaỽc ar y llu o|r
o|r blaen. A naimys tyỽyssaỽc
kadarnn y|gadỽ ol. Nyt edeỽis
otuel hagen y orderch namyn
kymryt belisent gyt ac ef. ar
geuyn mul o hỽngri oed gynt
y|rygyg noc y kerdei y herỽ+
log gyntaf ar|y mor. Seithgant
o varỽnneit a|oedynt ỽyr llys i+
di. ac ar y bỽyt. ac ar e dillat
yn ỽastat. a phob vn ohonunt
yn arderchaỽc o allu maỽr idaỽ
e|hun. a|digoni yn|da. A chyt
bei hỽy yr|amser vdunt hỽy
no|r hynn yd oedem ni yn|y tra+
ethu hynn. haỽynt a adaỽss  ̷+
ant freinc. a|bỽrgỽin. a|mỽn+

112

gỽi. aJuori. a mỽnt ferraỽnt
yny welynt atali. y dinas kadarn.
y lle yd oed garsi. a|r genedylha+
et anfydlaỽn y·gyt ac ef. ac
yn hynny ny bu neb a teruys+
gei arnunt eu hynt. nac a|e
gallei pei ys mynnei. ac y·dan
vynyd poỽn ar hyt glan auon
a|elỽit ton y|myỽn gỽeirgla+
ỽd y|tannassant eu pebylleu.
ac y lluestassant. ac yna y|peris
yr amheraỽdyr y|r freinc orffỽ+
ys ỽythnos o|r dyd y gilyd. y
vỽrỽ lludet y marchogyon a|e
llauur y arnunt. a gellỽg gỽ+
aet eu meirch. a gỽaret eu
cleuytyev. a|e medyginaethu.
ac ny adỽys ef heb gof dim.
o|e kyfreidev. ef a|beris dercha+
uel pont rac dyuot y paganny+
eit attunt hỽy. a rỽymaỽ y
kỽppleu a|r|ystyllant a heyrnn
yn gadarnn. A phan oed bara+
ỽt y bont y·d|aethant y uỽytta
eu llettyev. Rolond hagen heb
ỽybot y neb eithyr oliuer. ac
oger lydaneis. a hỽy ell tri yd  ̷
aethant y ỽisgaỽ ymdanunt
y adan prenn laỽurus*.  ac ody+
na yd ysgynnassant. ar eu he+
mys. ac a gerdassant trỽy yr*
bont tu a|r dinas y geissaỽ a|y*
ymỽanhei ac hỽynt. kynn y
dyuot dracheuen hagen ny
mynnei y|gorev o·nadunt a|di+
goni y vot yno. yr mydỽl o