Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 84r

Ystoria Carolo Magno: Rhamant Otfel

84r

103

ryuelỽr ar warthaf y|helym y+
ny neidaỽd y|tan o|r cledyf. ac
o|r helym. ac goglyt ychydic
o|r saracin val yr oed gyfrỽys ar|y
wassannaeth. a|dygỽydaỽ y dyr+
naỽt heb laỽ y balueis. a|thor+
ri y lluryc deudyblyc. a|e holl
aruev o benn y ysgỽyd hyt yg
gỽregys y laỽdyr. nyt ymgyf+
aruu hagen y cledyf a|dim o|r
kic. Ac eissoes maỽr yaỽn oed
y|dyrnnaỽt. ac val y peris y| ̷
marchaỽc plygu. a dygỽydaỽ
hayach ar benn y lin y|r llaỽr.
Sef a ỽnnaeth llaỽer o|r freinc
yna gỽediaỽ a hoffi y dyrnnaỽt
a|dyỽedut ry oruot y saracin.
ac na allei y amdiffyn e|hun nac
ymlad bellach no hynny. oed o+
dit hagen onadunt hỽy a ad+
nappei otuel. nac a|e gỽelhei y*
yg|kyfragev kynn o hynny. mab
galien vrenhin a neidỽys y|vy+
nyd yn amysgaỽn y|dial y|dyr+
naỽt. A|phei na ỽyppei rolond
ymoglyt rac y dyrnnaỽt hỽn  ̷+
nỽ. ny traỽhei dyrnnaỽt vyth
ar|varchaỽc ỽedy hynny. a|r sar+
acin a symudỽys lliỽ. a|e lygeit
yn troi yn|y benn yn vuan. me  ̷+
gys llỽdyn dic neỽynnaỽc. ac
a dercheuis curceus y vynyd. ac
a ssodes a* |rolond ac ef o|e nerth
ac a|e treỽis trỽy y|lit dyrnna+
ỽt maỽr ar ỽarthaf y helym
pei na|throei y cledyf y|myỽnn

104

y dỽrnn. val y|traỽssei y benn y ar+
naỽ. a|r eil a|rodes idaỽ ar|y parth
assev. a chymeint ac a|oed o|e dar+
yan yn|y laỽ a dorres ynn dev
dryll. ac a|gauas o|r aruev ere+
ill oll yny aeth y cledyf ympell y+
n|y dayar. a dygỽydaỽ rolond y
ar y deu·troet y|r llaỽr. ac yn tyn+
nv y gledyf attaỽ y dyỽat o  ̷+
tuel. Mynn mahumet da ya+
ỽn y|trycha vyg|kledyf|i. Ac ar+
gannvot a|oruc y freinc yna
hynny. ac ofynhav yn vaỽr ve+
int y|dyrnnodev. a gỽelet yr
daruot vdunt rỽygaỽ. a|thor+
ri eu llurygev o|r tu racdunt.
ac o|r tu dra|e|keuyn. ac nat oed
gantunt oc eu taryanev ky+
meint ac a gudyei eu dyrnnev.
A|dygỽydaỽ a|e hỽynebev at y
dỽyrein. ac ofyn maỽr arnadunt
am rolond eu harglỽyd. ac y|r
arglỽyd duỽ y gorugant erchi
danvon kygor da y|r marchogy+
on. ae ỽnneuthur tagnoued
yrygtunt. o|e kygreiraỽ. ae o
diogelrỽyd arall. Ac ar y geir+
ev hynny yny colomen yn ehe+
dec val y gỽelei charlys. a|e holl
niuer. a|r yspryt glan ynn dis+
gynnv ar benn ysgỽyd otuel.
ac yna y dyỽat yntev val yr
yttoed rolond yn mynnv y|ta+
raỽ y dial y dyrnnodev arnaỽ.
Kilya dracheuyn heb ef ac
arho. ny ỽn pa peth a|ỽeleis yn