Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 83r

Ystoria Carolo Magno: Rhamant Otfel

83r

99

dunev ynn gadarnn a|orugant
ac ymgyrchu yny yttoed y|weir+
glaỽd yrỽg y frost a meint y
gỽynt. a y|tỽrỽf ỽyntev yn
bennaf ynn gyffrydyeit oll.
a|r dayar yg|kyueirev arnei ynn
hollti. a gostỽg gỽayỽar.  a|e hy+
stondardev ynn chỽythu yn aru+
thyr gann y gỽynt. a gỽan o bop
vn y|gilyd yn|y daryan dyrnnaỽt
maỽr yny dorres eu deu ỽayỽ
yn gyffredin. ac eu lledyr brỽt.
da vu hagen y llurygev ỽrth na
thorres vn vodrỽy ohonunt.
ac nat ymystynnỽys o dim. ac
racdu y kerdassant y marchogy+
on grymus heb golli dim o|vn
onadunt. Ac yna y|dyỽat char  ̷+
lys. a duỽ. maỽr a enryuedỽch
yỽ hỽnn gennyf|i. yr gynnal o|r
saracin vn dyrnnaỽt yn erbyn
rolond. Heb y belisent y verch
a|oed ynn seuyll ger y llaỽ. da ya+
ỽn yỽ vy aruev. i. heb hi. a|e ham+
dygyaỽdyr hỽyntev nyt llỽf+
yr o dim. ac gỽedy y geirev hyn+
ny. rolond a|tynnỽys dỽrn·dard
y gledyf. ac a|tre˄wis otuel ar  ̷
ỽarthaf y helym echtyỽynedic
yny dygỽydỽys yr|thrỽynn y|r
llaỽr. a riuedi maỽr o|r modrỽy+
ev. a|r blodev tec. a|r mein gỽer+
thuaỽr ygyt ac ỽy. a|r eilỽe  ̷ ̷+
ith yn gyflym a dreỽis penn y
varch yny vyd y ỽrth y gorff ym  ̷
pell y|r|llaỽr. Ac yna y|dygỽydỽys

100

otuel pann ballỽys y|varch idaỽ.
ac y|dyỽat deu eir. Mynn ma  ̷+
humet heb ef gỽeithret an·sy+
berỽ rolond a orugost. llad vy
march heb achaỽs. na|e haedu
ohonaỽ. ac nyt aa dy|tev dyth+
ev dan chỽerthin o·dyna. a|thy+
nu curceus y gledyf a oruc ac
yystynnv* y daryan o|r tu racdaỽ
a neidaỽ o|e vlaen parth ac at
rolond. a|e daraỽ ar warthaf
y helym yny dygỽydỽys y|thrỽ+
ynn y|r llaỽr. a llithraỽ y dyrna+
ỽt ar y goryf vlaen. a tharaỽ y
kyfrỽy drỽydaỽ a|r march am|y
balueissev yny vyd y cledyf hyt
y dỽrnn yn|y dayar. a|dyỽedut ge+
ir bochsachus yn vchel. Mynn
mahumet heb ef nyt oed dyr+
naỽt mab yr hỽnn yr aỽr honn.
A duỽ heb y brenhin mor oed
drỽm y dyrnnaỽt hỽnnỽ. ac y|r
arglỽydes veir yd archaf ynhev
amdiffynn ym rolond vy nei.
ac o dygỽydỽys y iarll nyt re+
it y|neb y ryuedu. canys dygỽy+
dassei y varch ynn varỽ y·danaỽ.
Dỽrndal hagen a oed yn baraỽt
yn|y laỽ. ac ef a ossodes ar|y sa+
racin ac ef. ac a|e treỽis ar ỽa+
stat y helym yny dorres y phet+
ỽared rann. a|r penn lluryc. a|r
neill hanner y glust yntev hyt
y|maes. ac a holldes y|taryann
hyt y|chymherued. ac yntev
hayach ỽedy yr lad nev yr or  ̷+