Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 82r

Ystoria Carolo Magno: Rhamant Otfel

82r

95

heuyt nat ym·auaelaỽd a|r gor+
yf. a gollỽg neit y varch yg|gỽ+
yd y niuer a ỽnnaeth. ac ymho+
elut at charlys dra|e geuynn
dan chỽerthin. a dyỽedut ỽrth+
aỽ. arglỽyd heb ef dyro ym dy
gannyat a|th vendith. ac odyna
o|r daỽ y saracin y ymlad ym ny
byd gỽarantrỽyd idaỽ am|y|eneit.
Nei heb y brenhin y|r neb a ỽnae+
eth y|nef a|r dayar y|th orchymyn+
naf. a phoet ef a|thifero rac  ̷
drỽc. a dyrchauel y laỽ a ỽnaeth
a|e groessi. Ac yna rolond a|vra+
thỽys y varch tu a|r weirglaỽd.
a hyt yn oet y meibon. a|r mor+
ynyon ar|y|ol ynn mynet. a ph+
aỽp onadunt yn|dyỽedut. y|iessu
y|th orchymynnỽn. ac y|r arglỽyd+
es veir. a phoet hỽy a|differo he+
diỽ rac aghev. a|r vn gogyuurd
ar|dec a ysgynnassant yn gyflym
ygyt ac ef. ac a|e dugassant hyt
yrỽg y deu dỽfyr yssyd yn kerdet
trỽy y|tref ym paris. Y|neill ona+
dunt yỽ sein. a|r llall a elỽir
marin uaỽr. Y saracin etỽa yn
seuyll rac bronn y brenhin. ac
ef a|dyỽat ỽrthaỽ ynn ỽychyr.
charlys heb ef par ym luryc. a
helym. a tharyan. a chledyf.
March da buan yssyd y|mynhev.
vy hun nat oes vn ỽell noc ef
hyt ym beliant. a minhev a ada+
ỽhaf yt yn ỽir ar vy fyd a|m cle+
dyf os ky|lymet ef a|phann a+

96

eth y gennyf|i y lladaf rolond it
kynn aỽr anterth. Ac yna llidy+
aỽ a oruc y brenhin yn diruaỽr y
veint. breid na holltes. a dyỽed+
ut ỽrth y pagann. duỽ heb ef a
th|lado di a|th gennedyl yn gyn+
taf rac meint y|m kyffroeist
ar lit. a|thristỽch. ac eisoes ar+
ganuot belisent y verch a oruc
yn dyuot o|e hystauell parth a|r
neuad. a phann deuth y myỽnn
echtyỽynnv a oruc yr holl neu+
ad o|e|thegỽch megys hi vei yr
heul aỽr hanner dyd vis mei.
nev leuuer maen carbunclus pan
vei tyỽyll y|nos. ac ef a|ymnei+
dỽys arnei a|e vanec. ac a dyỽat
ỽrthi. Merch heb ef iti y gorchy+
mynnaf y pagan hỽnn yma. a|g+
ỽisc ymdanaỽ ar ffrỽst val na cho+
llo dim oblegyt y aruev. ymlad
a gymerth arnaỽ yn erbynn ro+
lond vy nei. arglỽyd heb hithev
yn llaỽen. ac ef a|ỽnneir hynny
ỽrth dy eỽyllys. Ac yna belisent
a elỽis ar phlandrin o|r mynyd
tec. a roes o rinuel dỽy vorynny+
on vonhedic ereill. a hỽynt ell te+
ir a arỽedassant otuel hyt ar|fud*
o vaen marmor pedrogyl. ac yna
adb a ỽisgassant ym·danaỽ llu  ̷+
ryc a vuassei eidyaỽ samuel
vrenhin. a llun ederyn odidaỽc
ar|y choler o|r tu racdaei. a phlan+
drin a glymỽys y karreieu yg
kylch y|vynỽgyl. ac am y benn