Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 81r

Ystoria Carolo Magno: Rhamant Otfel

81r

91

vim yn|baraỽt od|ydỽyt ynn
keissaỽ ymỽan heb ef y|th ỽys+
syaỽ yd|ỽyf y bore a·vory y|r ỽeir+
glaỽd trỽy amot na bo namyn
vn ac vn. heb·y rolond a|gỽna
dithev yn diogel y deuy yno. hỽ+
dy vy fyd heb·yr otuel a|m cre+
dadunyaeth o|m holl eỽyllys
y|deuaf. a|r neb o·honam ny|del
y vot yn llỽfyr kyuadef byth.
ac ynn boen arnaỽ torri y ys+
pardunnev ỽrth y sodlev ynn
gỽtta. ac na bo ỽrdedic byth
yn llys o hynny allan. ac ar
hynny ymfydyaỽ a orugant.
val yd oed diogel gann pob vn
o·nadunt y deuei y gilyd. Ac
yna y|dyỽat charlys o seint y  ̷ ̷+
nys ỽrth y saracin. yr y|fyd y|cre+
dy di ydi heb ef. pa blỽyfuogaeth
y|th wlat y|th anet di yndaỽ. a
phỽy dy enỽ. Otuel. arglỽyd yỽ
vy enỽ heb y saracin. a mab ỽyf
y galien vrenhin. gỽr a ladaỽd o
dynyon moce noc a|geffy di y|th
holl gyfoeth yr aỽr honn. a|m
keuenderỽ yỽ garsi vrenhin.
a|m heỽythyr oed fernacut o
tref y|barbari. a elỽir nazared.
yr hỽnn a ladaỽd rolond ef. ac
a·vory y|bore y dialaf ynhev ar+
naỽ ef yn anrugaraỽc. heb y
brenhin bonhedic yna digaỽn
vyth a|dyỽedy. ac yna galỽ a  ̷ ̷
ỽnaeth ar reiner gỽas y|ỽely
attaỽ ac erchi idaỽ. kymer heb

92

ef y gennat honn y·gyt a|thi a
dỽc ef y ty gerner vyg|kyfeillt
a|dyro idaỽ can sỽllt yn lle y|vỽyt.
a chann sỽllt ereill dros y|varch.
ac odyna y gelỽis rickart hen.
a gỽallter o liỽns. ac oger ly dana+
ys. ac y|dyỽat vdunt y chỽithev
heb ef y gorchymynnaf gỽassa+
naethu ar|y marchaỽc bonhe+
dic hỽnn. a|e diỽallu o bop peth
o|r a vo reit idaỽ ỽrthaỽ. Ac velly
y buant hỽy y nos honno. a thran+
noeth pan oleuhaỽys y dyd y
kyuodes charlys y vynyd. ac y
peris kyrchu rolond. ac y dae+
thant y ỽediaỽ y|r capel. ac ab+
bat seint omer a gant oferen
vdunt. a|r brenhin a beris dy+
uot a phiol aryant yn llaỽn o
parissennot ac y offrỽm y·d|aeth
ef a|r deudec gogyuurd. a ro+
lond a aeth y offrỽm a dỽrn·dard
y gledyf. a|thracheuyn a|e dillyg+
aỽd o seith morc o aryant. a
gỽedy yr offerenn peri canu or+
yev o|r dyd a|ỽnaethant. ac ody+
na dyuot o|r eglỽys y edrych a  ̷
ỽelynt y saracin. ac yntev a|da+
thoed y gyfrỽch a|r brenhin. Ac
yna y deuth otuel yn ryuygus
racdaỽ. ac y gelỽis ar y brenhin.
ac y|dyỽat yn valch ỽrthaỽ. char+
lys heb ef. mae rolond dy nei
di. ac a gery yn vaỽr. a|r gỽr
y|mae holl ymdiret freinc yndaỽ.
mi a|e gỽna yn annudonul. ac