Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 80r

Ystoria Carolo Magno: Rhamant Otfel

80r

87

lygeit ỽedy yr gochi. a rei hyn+
ny ynn troi yn|y benn yn vuan.
kynnhebic oed y leỽ neỽynaỽc
a vei ynn rỽym. ac a darffei y li+
dyaỽ. ac a|chayffro* maỽr yn|y neu+
ad am|y|chỽaen honno. ac ef a
dyỽat o|nerth y benn. a varỽnne  ̷+
it heb ef na chyffroỽch. Mynn
Mahumet y gỽr yd ymrodeis
idaỽ mi a|ỽnaf seith cant o+
honaỽch ynn veirỽ y kynhenoch.
A|r amheraỽdyr yna a gyuodes
y|vynyd. ac a erchis idaỽ rodi y
gledyf attaỽ ef. a|r saracin a dy+
ỽat na|s rodei. a bot yn salỽ idaỽ
yntev y geissaỽ. ac yna rolond
a erchis y·daỽ y rodi attaỽ ef. ac
yntev a gymerei arnaỽ y rodi
dracheuyn idaỽ pann ymỽehenynt.
a|hyt hynny y differei rac gỽn+
euthur o neb cam idaỽ yn oreu
ac y gallei. Ac otuel a|dyỽat
ỽrthaỽ. arglỽyd tec heb ef. a
hỽdy dithev ef. ac adolỽyn yỽ
gennyf it y|gadỽ yn da. ỽrth na|s
rodỽnn. i. ef yti yr seith dinas
gorev y|th gyuoeth. ac ỽrth he+
uyt y|lledir dy benn etỽa ac ef.
Myn vy fyd heb·yr rolond gor+
mod yd ymuelecheist o ragor.
ac na ỽna bellach hynny. na+
myn dyỽet dy gennadỽri. ac
odyna kymer gannyat y|vynet
dracheuen. a minhev a|ỽnaf hyn+
ny yn llaỽen heb ef a rodỽch
ym ostec*.  [ Charlys heb·yr otu+

88

el ny|s kelaf ragot kennat ỽyf
y garsi am·heraỽdyr gỽr ys yn
kynnal gỽlat yr yspaen. ac a  ̷+
lisandyr. a|busi. a thire. a sydoni.
a phers. a barbari. ac y|mae pob
gỽlat o hynny yn darestỽg idaỽ
hyt yn femynie. ef a erchis yt
ymadaỽ a|th gristonogaeth ỽrth
na|thal vn ar·llegen. a|r neb ny
chreto y hynny yn·vydrỽyd ma+
ỽr a ỽnna. a|dyuot yn ỽr y vahu+
met a gỽasanaethu idaỽ y gỽr
ys yn llyỽaỽ yr holl vyt. a|th ni+
ueroed y·gyt a|thi. ac odyna
dyuot attaỽ yntev. ac a at it
gỽlat a·uueryn. a manancie
a|holl borthuaev lloygyr a|e ha+
beroed y|tu yma y|vor rud. ac ef
a|dyry y rolond dy nei gỽlat
russi. ac y oliuer y getymdeith
y|ỽlat a elỽir ysclauinie. Nat
ef ytti hagen callon freinc ỽrth
yr daruot idaỽ y|rodi y florien o
sulie. mab y iỽlf goch brenhin
barbarie. y|gỽas gorev o|r yspaen
a mỽyhaf y glot o digoni. a mar+
chogaeth yn|da. a gorev a derev
a|chledyf gloyva hỽnnỽ a gyn+
heil freinc yn ryd tagnouedus
idaỽ. ac o|e etiued. ac yna y|dy+
ỽat yr amheraỽdyr myn vy|fyd
heb ef gan nerth yr holl·gyfoe+
thaỽc ny byd y damỽein velly.
a|pheth a|dyỽedych chỽi y niuer
a vegeis. i. eiroet am hynny.
amheraỽdyr dylyedaỽc heb yr