Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 77r

Ystoria Carolo Magno: Chronicl Turpin

77r

75

o holl preladyeit. a|thyỽysogyon.
a|brenhined cristonogyon yr ys+
paen. a|r galis. a rei kyndrych  ̷+
aỽl. a rei a vo rac llaỽ yn escyp
seint iac. Yn iria ny ossodes ef
vn escop namyn y bot ydan com+
postella. Ac yna o arch charlys
y kyssegreis inhev turpin arch  ̷+
escop. a naỽ escyp ygyt a mi. e+
glỽys ac allaỽr y seint iac
yn anrydedus. hanner mei e  ̷
hun. A darestỽg yr holl yspaen
a|oruc y brenhin y|r eglỽys hon+
no. a|r galis. ac a rodes yn| ̷
hargyfreu pedeir keinnaỽc
pob blỽydyn yn treth o|bop ty
yn|yr yspaen a|r galis. a|rydit
vdunt ỽyntev y gan y brenhin
o bop keithiỽet. a|r dyd hỽnnỽ
y gossodet galỽ yr eglỽys hon+
no yn ebostolaỽl eistedua o
vot enỽ iago ebostol yn gorffỽ+
ys yno. ac yndi hithev bot
kynnulleitua esgyb y ỽlat.
a bot breint y esgob y lle hỽn+
nỽ y vrdaỽ escyp. a brenhined.
y|ỽlat. ac o|r diffyc cristonoga+
eth yn vn o|r dinassoed ereill
nev y degeir dedyf o bechodev
y bopyl. o gyghor yr escob hwn+
nỽ y deuant dracheuen. ac o
iaỽn dylyet y|dylyir yno eu
gỽastattav. Canys megys
y|gossodet cristonogaỽl fyd.
yn ephesum trỽy Jeuan e+
bostol braỽt iago yn|y dỽre*+

76

in. Val hynny y|gossodet eisted+
ua gristonogaỽl fyd yn|y galis
yn|y gorllein*.  ac eistedua ebosto+
laỽl. a llyna yn diamhev y|dỽy
eistedua a erchis y deu ebostol
y grist ar|y dehev. ac ar y assev
yn|y teyrnas. Teir* eistedua e+
bostolaỽl pennayadur* a|ossodet
yn|y byt o|e o·bryn onadunt.
nyt amgen. Ruuein. a|r ga+
lis. a|r yndia. Megys y|rodes
duỽ pennaduryaeth o|e getym+
deithas. a|e gyurinachev. nyt
amgen. y bedyr. a iago. a ieuan.
yn ragor ar yr ebestyl ereill.
val y|mae yn|yr yscrythur. a|r
euegylyev. y ragor hỽnnỽ a
dangosses duỽ vdunt ỽyntev
yn|y byt hỽnn trỽy y teir eisted+
ua bennyadur vchot. Ac o|e
iaỽn dylyet y gossodet ruuein
yn bennyaduryaf eistedua yr
ebestyl. canys pedyr tyỽyssaỽc
yr ebestyl. a|e kyssegrỽys o|e
bregeth a|e briaỽt waet. ac
o|e aghlad. Compostella yỽ yr
eil eistedua bennaduryaf o|dy+
lyet. canys iago ebostol oed
bennaf ymplith yr ebestyl o
bennaduryaỽl teilygdaỽt. a
mỽyhaf o anryded a hynafya+
eth. ac adỽynder ỽedy peder e+
bostol. Ac yn|y nef y mae peina*+
duryaeth idaỽ arnunt oll. ef
gynntaf a|verthyrỽyt. ef a|ga+
darnnhaỽys weith arall o|e bre+