Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 76v

Ystoria Carolo Magno: Chronicl Turpin

76v

73

trannoeth. a phann dyuu y|bore
a chymryt kyghor. y|gorchymyn  ̷+
nỽys charlys y|bop gỽr march
dodi penn·ỽisc o|liein a|brethynn
y gudyaỽ eu llygeit rac gỽelet
y|gỽasgodyeu diefuyl. a|bydaru
eu clustev rac clybot eu|lleisev
vffernaỽl geluydyt enryued.
a gỽedy gỽarchae clustev y|me  ̷+
irch. ac eu llygeit. yn diannot
y kyrchassant yn hy gan ysga+
elussaỽ eu lleissev bredychus.
ac o|r bore hyt hanner dyd y|gor+
diỽedassant y saracinneit a|llaỽ+
er onadunt a ladassant. ac ny
ladassant eissoes gỽbyl. ac ym+
dyrru ygyt y saracinneit a|oruc.
ac yn eu perued benn ac yth
ychen y·danaei. ac ar y venn eu
hystondard ỽyntev ỽedy y|dyrch+
auel. ac eu deuaỽt ỽyntev oed
na foei neb onadunt tra ỽelynt
yr ystondard yn seuyll. a phan
adnabu charlys hynny ruthra+
ỽ a|oruc ymplith eu bedinoed
ynn damgylchynedic o|nerth
dỽyỽaỽl gan eu bỽrỽ ar dehev
ac ar assev idaỽ. yny doeth ar|y
venn. a|e tharaỽ a|oruc a|e gled+
yf yny vyd hi y|r llaỽr. a|r peiry+
ant. a|gynhalei yr ystondard. a|e
hestỽg hythev a oruc y|r llaỽr.
ac yna y dechreuis y saracinneit
fo o|le y|le yn wasgaraỽc. ac y+
na gaỽr y|lluoed a dodet o pob
parth. ac y llas ỽyth mil o|r sar  ̷+

74

acinnyeit. ac ebraim brenhin
sibli ygyt a wynt. Ac altumor
a|dỽy vil ygyt ac ef a|gyrch  ̷+
ỽys y gaer. a thrannoeth gỽe+
dy goruot arnaỽ eturyt y|ga+
er y|r amheraỽdyr gan amot
kymryt bedyd ohonaỽ. a dare+
stỽg y·dan charlys a|daly y di+
nas y·danaỽ. ac o·dyna rannv
a oruc charlys cantrefoed yr ys+
paen a|e chymydev. a|e cheiryd.
a|e dinassoed. y|r rei a vynnei
o|e wyr e|hun pressỽylaỽ yno.
a|r holl yspaen a rannỽys velly
y|tyỽyssogyon e|hun eithyr tir
y galis e|hun. ny|s mynnỽys
neb o|freinc rac y dryssỽch. Ny
bu o hynny allan yn|y dydy·eu
hynny a allei avlonydv ar char+
lys yn|yr yspaen.  
A C yna gỽedy gellỽg y
ỽrthaỽ y niueroed mỽy+
haf o|e luoed. ac eu hadaỽ
yn|yr yspaen. y kerdỽys char+
lys parth a seint iac. ac a ga+
uas yno yn pressỽylaỽ a|ỽnaeth
yn gristonogyon. Ac ym·hoe  ̷+
lei o·nadunt ỽy yn saracinne+
it a ladei. nev a|e hanuonei y
alltudyaỽ y|freinc. ac yna y
gossodes escyb. ac offeireit. ac
anrydedu a oruc. a dyuynnv
cỽnsli yg|kaer compostel o dyỽ+
ysogyon. ac escyp. ac yna o
gyghor y kỽnsli y gossodes ef
o anryded seint iac vuydhav