Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 72r

Ystoria Carolo Magno: Chronicl Turpin

72r

55

nadunt eu|bedyaỽ*. Rei ona+
dunt a ganhyadỽys hynny.
ac ereill a|ymỽrthodes a hynny.
A  thrannoeth ygkylch e+
chỽyd aỽr. a|chyghreir
y|baỽp onadunt y|vynet
ac y dyuot. y doeth aigoland
at charlys ar vedỽl y vedyaỽ*.
Ac val y gỽyl charlys yn eist+
ed ar|y|bỽrd. yn kinaỽu. ac y+
n|y gylch yntev llaỽer o ỽyrda.
a|niueroed arnunt o amry+
ual abit. a gỽiscoed rei yn
abit marchogyon. ereill yn
abit myneich duon. ereill
yn abit canhonnỽyr. a gof+
yn a|oruc y|charlys ansaỽd
pob rei onadunt. Y rei a|ỽely
di heb·y charlys a|r gỽiscoed
crynyon ymdanadunt escyb ac
efeireit yn dedyf ni ynt ỽy. ac
a|vanagant y|nynhev gorchy+
mynnev yn dedyf. ac a|n ryd+
hant oc yn pechodev. ac a|ro+
dant yn vendith yn harglỽ+
yd. A rei a|ỽely dithev yn|y
gỽiscoed duon raco. myneich
yỽ rei hynny. ac abadev yn
eu llyỽaỽ ỽyntev. ac ỽyntev
ny orffỽyssant yn gỽediaỽ o
arglỽydiaỽl dỽyỽolaeth dros+
som ni yn wastat. A rei a|ỽely
yn|yr abit gỽynn. canhonỽ+
yr reolaỽdỽyr yỽ y rei hynny.
rei yssyd yn aruer o uuched
y|seint. ac yn gỽediaỽ drossom.

56

Ac yna aigoland a|dyỽat yn
arganuot tri a·chennaỽc ar
dec noethyon truein yn ei+
sted ar laỽr noeth heb na bỽrd
na lliein rac eu bronn. ac
ychydic gantunt o vỽyt. a|di+
aỽt. ac yntev a ofynỽys pa
ry* dynyon oed y rei hynny.
kenedyl y duỽ heb·y charlys.
a chennadev yn arglỽyd ni ies+
su grist. y rei a|borthỽn ni
beunyd tri ar|dec ohonunt yn
enỽ yr arglỽyd. a|e deu·dec ebe+
styl oc an defaỽt. ac yna at+
teb a|oruc aigoland y rei yssyd
y|th gylch heb ef. drythyll ynt.
a|drythyllỽch a gaffant o vỽyt
a diaỽt. a|dillat. canys ti bie ỽ+
ynt. A rei a dyỽedy tithev eu
bot ar gystlỽn duỽ. ac yn genna+
dev idaỽ mal y kedyrnnhey pa+
ham y|maent ỽy yn varỽ o ne+
ỽyn. a noethi. a gỽaradỽyd. ac
eu bỽrỽ ym pell y ỽrthyt. ac y
tremy yn dybryt ỽynt. Maỽr
a gyỽilyd y duỽ a|ỽna y neb a
wasanaetho val hynny y ỽeis+
son ef. Dy dedyf di a dyỽedy y
bot yn da. yd|ỽyt yn dangos ha*+
gon y|bot yn falst. a chymryt
y|gannyat a oruc. ac ymhoel+
ut yn sorredic at y|niuer e
hun. ac ymỽrthot a|bedyd.
a gorchymyn y charlys dyuot
trannoeth y|r vrỽydyr. A gỽe+
dy dyallu o charlys panyỽ am