Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 68r

Ystoria Carolo Magno: Chronicl Turpin

68r

39

diruaỽr ganthaỽ y|r yspaen. ac
y gỽrthladỽys ef y keitỽeit cristo+
nogyon a adaỽssei charlys y|war+
chadỽ y|dinassoed. a|r wlat. a phan
giglev charlys hynny kychỽyn a
oruc yr eil ỽeith y|r yspaen. a llu+
yd maỽr gantaỽ. a mil tyỽyssa+
ỽc ymladeu gantaỽ. A pha
ryỽ aggreifft a dangosses duỽ
yni oll yna. am|yr rei a attalo
gantunt gymvn y|rei meirỽ.
ac eu haelussennev yn gam.
Pan yttoed charlys yn lluestu
yg|kaer baion. a|e lu. y klyuych+
ỽys marchaỽc. romaric y enỽ.
a gỽedy gỽanhanva|chymryt
kymun ohonaỽ. a dillygdaỽt y
gan offeirat. March oed idaỽ. a
hỽnnỽ a orchymynnỽys y gar
idaỽ y ỽerthu. a rodi y ỽerth rac
y eneit y yscolheigyon. ac y eis+
syỽedigyon. A gỽedy varỽ. y|gar
a|ỽerthỽys y varch yr can sỽllt.
ac o|chỽant y|da. e|hun a|e treu+
lỽys yn vỽyt. a|diaỽt. a dillat
idaỽ. ac megys y gnottaa dyỽ  ̷+
aỽl dial yn ol y gỽeithredoed  ̷ ̷
drỽc. ympenn y|decuet niỽarna+
ỽt ar|hugeint pan yttoed yn
kyscu. nachaf yn ymdangos
idaỽ y|marỽ. ac yn|dyỽedut ỽr  ̷+
thaỽ. Canys kymyneis. i. heb
ef. vyn da y|tti·di y|rodi rac vẏ
eneit dros vym pechaỽt. gỽy  ̷+
byd di. ry|uadeỽ o|duỽ ymi vy
holl bechodev. a|chanys ettele  ̷+

40

ist|i vy allusen. i. yn gam. yd et+
teleist titheu vinhev ym|poenev
vffernn dec niỽarnaỽt ar|huge+
int. Gỽybyd ditheu y bydy er  ̷+
byn auory ym poenev vffernn.
o|r lle y|deuthum inheu ohonaỽ.
ac y bydaf ynheu ym|paradỽys.
ayn gỽedy yr ymadrodyonn
hynny y·d|aeth y|marỽ ymeith.
ac y deffroes y byỽ o gymraỽ.
a|phann yttoed y bore trannoeth
yn datkanu hynny. paỽb hagen
o|r llu a|ry|glyỽyssei yr ymdidan
hỽnnỽ yrythunt. nachaf yn
deisseuyt gaỽr o|r aỽyr am|y ben
val vdua bleidev. nev leỽot. nev
buglodyat gỽarthec. ac ynn
diannot o berued y llu. yn|y iech  ̷ ̷+
yt a|e vyỽyt yn|yr vtua honno
y|ysglyfye˄it o|r dieuyl. Ac odyna
y keissỽyt ef petỽar dieu. trỽy
vynyded. a glynnev. y gan var  ̷+
chogyon. a|phedyt. ac ny chaff  ̷+
at yn vn lle. Odyna ym penn
y deudec niỽarnaỽt pan yttoed
y llu yn kerdet diffeith lauar.
ac anauar. y kaỽssant y korff
yn vriỽ yssic ar vlaen carrec
vch benn y|mor. teir milltir y  ̷+
n|y huchet. ymdeith petỽar di+
ỽarnaỽt y|ducpỽyt ohonaỽ.
yno y daroed y|r dieuyl ry|vỽrỽ y
gelein ef. a dỽyn gantunt y|e*
eneit y|vffernn. Ac am hynny
gỽybydent y|a|attalho kymyn y
meirỽ. y bydant ym|perigyl tragy  ̷+
[ ỽydaỽl.