Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 61v

Purdan Padrig

61v

15

ac o laỽ alỽ glan enỽ iessu grist. O  ̷ ̷+
dyna y|dieuyl a|adaỽssant y|ty.
ac ydan gỽynnaỽ. ac erthỽch yn
aruthyr y kerdassant. ac y|dugant
YweinMarchawc. ygyt ac ỽy. ac ef a|ỽelei  ̷ ̷
rei yn ymdadaỽ ac ef. ac ag|ereill.
Rei hagen ohonunt a dugant. ywein.
Marchawc. ygyt ac ỽy. ympell drỽy vren+
hinaeth vffernn. dayar a oed yno
a|brenhinaeth tyỽyll. ac ny ỽelei
ef dim yn honno eithyr dieuyl a
oed ygyt ac ef yn|y dỽyn. Gỽynt
poeth oed yn hỽythu yno. breid y
gallei ef y|warandaỽ. ac roc ka+
darnnet y gỽynt hỽnnỽ. ef a|de  ̷ ̷+
bygei y vot yn tyllu y gorff ef
trỽydaỽ. ỽyntev a|e tynnassant ef
yn erbyn y gỽynt hỽnnỽ. parth
a|r lle y kychỽynei yr heul hanner
haf. a|phan deuthont yno megys
yn erbyn y byt. y|dechreussant ym+
hoelut dracheuen parth a|r lle y|ky+
uyt yr heul. hanner y gayaf. a|r
asgellyỽynt o|e hỽyneb. a phann
yttoed ef velly. ef a|ỽelei megys
yn gyfredin. yr holl dayar yn lle  ̷ ̷+
uein yn truan. ac yn vdaỽ. ac yn
kỽynaỽ. a|phei mỽyhaf y|nessaei
yno eglurach y clyỽei ynteu hỽy
yn lleuein. ac yn cỽynvan. O|r diỽ+
ed y dieuyl a deuthont a|Marchawc. gan+
tunt y|vaes maỽr. a llydan. a hir.
ac yn gyflaỽn. o|trueni. a dolur. ac
ny ỽeley. yweinMarchawc. teruyn ar hynny.
nac ar y maes. rac y hyt. a|r maes
hỽnnỽ oed gyflaỽn o dynyon. Gỽyr
a gỽraged. hen. a ieueinc. yn gor+
ỽed a|e croth vrth y dayar. gỽedy
eu tynnv a|hoelon heyrnn gỽyny+
as trỽy eu traet. a|e dỽy·laỽ ỽrth
y dayar. a ỽeitheu ỽy a|ỽelit ynn
knoi y dayar rac dolur. a gỽeith+

16

eu ereill yn lleuein dan gỽynaỽ. ac
vdaỽ yn truan. ac yn erchi val hynn.
arbet. arbet. neu trugarhaa ỽrth  ̷ ̷+
ym ni. ac nyt oed yn|y lle hỽnnỽ y
neb a|adnappei beth oed trugarhav
nev arbet. Dieuyl hagen a|oed yn|y
plith. ac arnunt heb orffỽys yn|y co+
di. ac yn|y maedu a ffoỽylleu calet.
ac yna y|dieuyl a|dyỽedassant ỽrth
y. santMarchawcReit vyd yti odef y poenev
a|ỽely di oll onyt yfydhei ti ỽrth yn
kynghor ni. Sef yỽ hynny. peidaỽ
a|tharpar. ac ymhoelut trachefyn
ohonat. ac o mynny hynny. ny a|th
adỽn y vynet dracheuen yn didrỽc.
ac a|th dygỽn yn tagneuedus y|r porth
y deuthost idaỽ. ac yntev a|ỽrthodes
hynny. a|r dieuyl a|e|byryassant
ef y|r llaỽr ar vessur y dynnyỽ. a|ho+
elon heyrnn megys yd oed e|rei ere  ̷ ̷+
ill. ac val y|gelỽis ef enỽ iessu grist.
ny allyssant hỽy gỽplaỽ dim o|e dar+
par. Odyna y kymerassant ỽy. y. Marchawc.
ac y|dugant ef y|vaes a|oed voy y|dru+
eni o|ragor. a|r maes hỽnnỽ eilỽeith
oed gyflaỽn o dynyon. gỽyr. a|gỽra+
ged. hen. a Jeueinc. gỽedy eu tynnv.
a hoelon heyrnn gỽynyas ỽrth y da+
yar. a|llyma y gỽahan a|oed yrỽg
y|maes hỽnn a|r|maes arall. Y rei a|oed
yn|y maes arall oed a|e croth yglyn
vrth y|dayar. a|seirf tan oed yn eisted
arnunt. ac yn|y llesgennv. a megys
yn|y knoi hỽy o ansaỽd druan a|e dan+
ned. a seirf tan ygkylch y|mynyglev.
rei a|e breicheu. ereill ygkyll* y|corffor+
oed. ereill oll. ac yn|y gỽascu y|rei
truein gan eu po˄eni o|e callonnoed.
a fflam tan o|e genev yn truyanu y
rei hynny. llyffeint duon heuyt an  ̷+
ryued y|gỽeith. a megys tan a|ỽelit
yn eisted ar dỽyvronn rei ohonunt.