Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 59r

Purdan Padrig

59r

5

a|vrathassei laỽer. ny ỽydant yntev a
uuyssynt veirỽ hỽy o hynny. ae na buys+
synt. Ef a debegei nat aei ef yg|kyfyr+
goll yr y pechaỽt hỽnnỽ. pan dyỽedeis. i
idaỽ ef y|mae gorthrymaf pechaỽt oed
hỽnnỽ a mỽyhaf y|godyant gan y cre+
aỽdyr y wneuthur. Beth bynnac hagen
a orchymynnỽn. i. idaỽ y gymryt yr ry+
dit o|e bechodeu ef a|e kymerei yn he+
gar. Ac a|vynhei y gynnal heb leihav
dim. Y mae hynn hagen heb y leihau
megys yn anyanaỽl y dynyon y ỽlat
honno. megys y dynyon o genedyl arall.
bo mỽyhaf y|dygỽydont yn drycyoni
trỽy annỽybot; y mae parodach a gva+
stadach vydant ỽy yn gỽneuthur eu
penyt gỽedy ada adnapont y bopt y|my+
ỽn cam. a chyueilorn. o achaỽs y ryỽ
betheu hynny y dangossỽn. i. y|bot ỽy
megys gỽystuileit. Pan vynhei y gỽ+
ynvydedic badric y|r kenedloed yn|y iỽer+
don megys y dyỽedassei y ymchỽelut o ar+
uthter. a chyfueilornn poenev. y gary+
at lleỽenyd. y dyỽedynt hỽyntev nat
ymhỽelynt. nac yr gỽyrtheu ryfed
a|ỽelynt idaỽ ef y|wneuthur. nac yr y
bregeth yntev. hyny ỽelei vn ohonunt
ỽy poeneu y rei drỽc. a lleỽenyd y rei da.
hyt pan vei hyspysach vdunt y pethev
a velynt. no|r petheu a adaỽei ef vdunt
ỽy. Gỽynvydedic badric hagen me+
gys yr oed ef ouunedaỽc y duỽ yr iech+
yt y|r bopyl. gouunedussach uu yna y
ỽyluaeu. a dyrỽesteu. a gỽedieu. a|gỽei+
thredoed da. a phan oed ef velly; yr ar+
glỽyd iessu grist gỽaredaỽc a ym·dan+
gosses idaỽ. ac a rodes tyst yr ege eve+
gyl. a bagyl. Y rei a enrydedir etỽa
yn ỽerthuaỽr greirev megys y|mae
teilỽg. a|r vagyl honno a|elỽir bag+
yl iessu. a|r archescob pennaf yn|y ỽl  ̷+
at honno a geiff y creireu hynny.

6

megys arỽyd pennaduryaeth yỽ.
Yr arglỽyd duỽ a|duc padric odyno y
le diffeith. ac y dangos idaỽ gogof gronn
a thyỽyll o|e myỽn. ac a|dyỽat ỽrth
badric. Pỽy bynnac a|el dan benyt yn
aruaỽc o|ffyd yaỽn y|r ogof honno.
a|thrigyaỽd yndi dydgỽeith a nosỽeith.
ef a purheir o|e holl bechodeu. A gỽe+
dy kerdo trỽydi ef a|ỽyl yno poenev
y|rei drỽc. Ac o byd gỽastat yn|y ffyd
ef a|ỽyl lleỽenyd y|rei gỽynvydedic.
Ac yna y|difflannỽys yr arglỽysd y
ỽrth batric. a|e adaỽ yn gyfulaỽn o|ys+
prydaỽl digrifỽch. Y gỽynvydedic ba+
dric a obeithei yma ymhoelut y bopyl
o gyfeilorn. ae yr ymdangos o|r arglỽ+
yd idaỽ. ae dangos yr ogof idaỽ. Ac
ar hynt kyỽeiraỽ eglỽys a|ỽnaeth
yno. A|r gỽynuydedic aỽstin yn tat
ni a ossodes kynhonỽyr o reol yr ebes+
tyl yn|yr eglỽys honno. ac ogof ha+
gen a oed yn|y vynvent yn|y tal at
y dỽyrein y|r eglỽys. ac y gỽnaeth ef
mur yn|y chylch. a phorth ar|y|mur.
a chlo cadarn ar|y porth hyt na chai
neb mynet idi heb ganyat. a|gorchy+
myn a|oruc y prior y|r eglỽys cadỽ an*+
vyd yr agoryat. Ac yn oes y gỽyn+
vydedic aỽstin. ef a|aeth llaỽer y|r ogof
y gymryt y penyt. a rei hynny pan de+
lynt odyno a|tygynt tystolaetheu ar
ỽelet ohonunt y poenev mỽyhaf. a|r
lleỽenyd mỽyhaf megys y gỽelit
yn pỽyssaỽ. A|r hynn a|dyỽedei y rei
hynny; a erchis y gỽynvydedic badric
y nodi yn|yr eglỽys. ac o achavs ty+
styolyaeth y rei hynny y kymerth
rei o|r dechreu pregeth y gỽynuydedic
badric. A chanys yn|y lle hỽnnỽ y pur+
heir dyn o|e bechodeu. Y lle hỽnnỽ ỽrth
hynnẏ a elỽir purdan padric ~
Gwedy marỽ padric sant yr oed