Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 152r

Ystoria Bown de Hamtwn

152r

371

vywyt na bydei balledic idaỽ. ac yna
y kerdaỽd boỽn vrenhin racdaỽ hyt
yn hamtỽn. ac y|r borthua y|doeth.
ac y eu llogheu. ac yna y kymerth
terri gennat y vynet y|wlat a|r
nos honno yd aeth boỽn y dinas
cỽlỽyn. a|thrannoeth y bore kym  ̷ ̷+
ryt y genhat a|oruc boỽn a|cherdet
dros amryuaylon gwledi hyny
deuthant hyt yn ruuein y dinas
da. ac yna yd oed archescob o|e vren  ̷ ̷+
hinaeth ef a|e vab. ac yn drebelit
y|doeth y vab attaỽ. ac y|r mor yd
aethant. ac ny orffỽyssassant yny
deuthant hyt yn mỽnbraỽnt. a
phan deuthant y|r llys yd|oed y
vrenhines yn glaf gorweidaỽc.
a|phan welas hi y harglỽyd galỽ
arnaỽ a oruc. arglỽyd heb hi claf
iaỽn ỽyfac ny pharhaaf nepell.
a phan gigleu y brenhin hynny
ynuydu hayach a|oruc. a|dywedut
arglỽydes o|r bydy varỽ di; min  ̷ ̷+
heu a vydaf uarỽ gyt a|thi. arglỽ  ̷ ̷+
yd heb hi pỽy a gynheil dy gyfoeth  ̷ ̷+
eu durdedic. arglỽydes heb ef ny|m
taỽr o·honunt. eissỽys diochaf* y
duỽ y mae im tri meib a allant
kynhal vy|ghyfoetheuac yna y
peris galỽ ar yr archescob ac a|dy  ̷ ̷+
waỽt ỽrthaỽ. gỽna orchymyn vy
arglỽydes. mi a|wnaf arglỽyd yn
vfyd. ayna y kyffessaỽd ac y|dywaỽt

372

y ewyllus. a|thra yttoydyn yn
hynny ef a|athoed boỽn y|edrych
y varch. a|phan doeth y|r ystabyl
ef a welei y varch yn varỽ. ayna
yd ymhoelaỽd dan ỽylaỽ. ac yna
y doeth y vab attaỽ y hyfrydu. ac
val kynt abreid na cholles y|syn  ̷ ̷+
wyr. ac y|deuth y mab at y vam
a|dywedut ỽrthi. vy mam. heb ef.
yd ỽyt yn llad vynhat. kanys
kymeint yỽ y|duchan ac na bu
eiroet y|gymeint. vy mab y tec.
heb·yr hi galỽ ar boỽn yma. ac
yna y|redaỽd y mab yn ol y tat
vyn|that y tec heb ef bryssya at
vy mam. a phan welas boỽn hi
y kymerth ef hi rỽg y vreicheu
a|gorchymyn a|orugant gi eu mab
y|duỽ ac ar hynny y teruynassant
ỽyll|deu. ac y|doeth yn yghwanec
y|gant o|egylyon y|dỽyn eu henei+
deu y|r nef at duỽ. Eu gỽylaỽ a
orugant y nos honno hyt trannoeth
ac nyd oed da gan gi urenhin eu
cladu ỽynt ym plith dynyon
ereill. ef a|beris wneuthur ysgrin
o vein marmor. a pheri y urenhined
vrdedic ac escyb dỽyn y|kyrff y|r eg+
lỽys a|barassei ef e|hun y|wneuthur
yn enỽ seint laỽrens. ac yna y
coronaỽyt gi o|goron mỽmbraỽnt.
ac y·velly y teruyna ystorya boỽn.