Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 151r

Ystoria Bown de Hamtwn

151r

367

vei a|allei enwi eu riuedi gan veint y
gynulleitua. a maỽ˄r uu y ryuedaỽt
meint a vedydyỽyt. kanys petwar|mis
y parhaaỽd y bedyt. ac escob yn pregethu
udunt. ac ỽylaỽ a orugant o ediuarỽch
a|ffustaỽ cledyr eu dỽyuron yr gogony  ̷ ̷+
ant y duỽ ac yr tristỽch y|r diaỽl. Yn|aỽr
ygwerendeỽch am boỽn. anuon a|oruc
yn ol y pab. ac ynteu a|doeth attaỽ yn
vuyd a chyt ac ef deu escob ac yscolhei  ̷ ̷+
gon ereill llawer hyt y|mỽmbraỽnt.
a|phan doeth y pab yna dyuot a|oru  ̷ ̷+
gant yn|y erbyn maỽr a|bychan.
ac vchel oed y|dyd; nyt amgen no
duỽ sulgwyn. peri dỽyn y goron rac
ỽyneb. a|r pab a|e bendigaỽd. ac a|e
dodes ar benn boỽn ymladỽr. ac
ar y ol ynteu coronhau iosian. a|maỽr
y drythyllỽch a|r llewenyd a|uu yna.
a phan yttoydynt y·velly yn eu
llewenyd; nachaf pedeir kennat
yn dyfot rac bronn y brenhin ac
yn amouyn sabaot. pan gigleu
sabaot y amouyn. Mi heb ef yỽ yr
neb yd yttyỽch yn|y amouyn. Heb
y kenhadeu. brenhin lloegyr a|dieti  ̷ ̷+
uedaỽd roboant dy vab. ac yna dolu  ̷ ̷+
ryaỽ a|oruc yn vaỽr a|dywedut y mae
drỽc oed hynnyarglỽyd heb y sabaot
mal y mynych. Syr heb·y boỽn ti a
bỽylly mal|kyntarglỽyd heb·y sa  ̷ ̷+
baot mal y mynych. ac yna yd erchis
sabaot y|r kennadeu mynet ar vrys

368

at y wreic ac at y vab roboant y
erchi vdunt vot yn|y castell hyt
pan delei. a|r kenhadeu a ymhoelas  ̷ ̷+
sant heb vn gohir. a maỽr uu y|lle  ̷ ̷+
wenyd ym·plith y|barỽneit. ac y·velly
y parhaaỽd mis kyflaỽn. a chyỽyn  ̷ ̷+
nu a|oruc y pab. a|thrigyaỽ a|oruc boỽn
ymamỽmbaỽnt. ac yna y|doeth
terri y erchi kennat y vynet y|wlat.
nyt ettwa heb y brenhin. reit vyd
yt dyuot gyt a mi y loygyr y gan+
horthỽyaỽ roboaỽt. ac yn llawen
ỽrth dy orchymyn. ac ymbarattoi
ac yna yd arwedaỽd gyt ac ef can
mil o varchogyon aruaỽc clotuorus
ac yna y kychwynnỽys boỽn uilỽr
a|therri duc. a milys y vab. a hyt y g+
hỽlỽyn y|doethant at yr escob ac
odyna yd aethant y eu llogeu a
hỽylaỽ yny deuthant hyt yn ham+
tỽn. a|phan welas gwreic sabaot
a roboaỽt ỽynt yn dyuot mynet
yn|y herbyn a|orugant A phan y gỽelas
boỽn. amouyn ac ỽynt a oruc Pa beth
a|daruu yti ỽr bonhedic Myn duỽ
arglỽyd vrenhin mi a|e dywedaf itt
bot brenhin lloygyr gwedy dỽyn y
meint kyuoeth oed ym Myn vy
phen heb y boỽn ni a|e goruydỽn
Sef a|oruc rei o|r dref o nerth traet
eu meirch ac eu sparduneu mynet
hyt yn llundein a menegi am boỽn
a|e lu hyt na welas dyn eiroet y kyffelyb
o ueint.