Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 150v

Ystoria Bown de Hamtwn

150v

365

admiral. a|boỽn o hamtỽn a|ladaỽd
arall. ac enkyt un aỽr y teruynỽyt
y vrỽydyr. ac yna ar llann auon
yd ymgynullassant y|sarascinyeit.
ac yna y|delit dec admiral ar|huge  ̷ ̷+
int a dec mrenhin. ac a|e dugassant
ganthunt y vratmỽnd. ac yna y
dywaỽt y barỽn penhaf o·honunt.
o mynỽch chỽi caffel tir mỽmbraỽnt
reit vyd yỽch caffel arueu y pauỽ  ̷ ̷+
neit. canys clotuous yỽ marchogy  ̷ ̷+
on ffreinc myỽn arueu. a mi a|gyt  ̷ ̷+
unaf a|chỽi ac a grerdaf os mynỽch
y|duỽ creaỽdyr. ac a|ỽrthodaf mahỽn
vyn duỽ a|theruagaỽnt. ac y·velly y
dywaỽt heuet y pympthec mrenhin.
ac ar y geir hỽnnỽ y brathassant eu
meirch tu a|r llys. ac yn gyntaf y ba  ̷ ̷+
rỽn penhaf y·mỽmbraỽnt. ac yn|y ol
ynteu gi vrenhin. a chyt ac ef pym  ̷ ̷+
theg mil yn|y ganlyn. ac ody vaes
yd oed boỽn yn gỽneuthur marth  ̷ ̷+
yrolyaeth maỽr. a|phan welas y
pauỽneit hynny trist uuant. a|r porth
cỽlis a ystygassant. a gi ody vyỽn a
chyt ac ef mil o varchogyon clotuorus.
a phan welas y pauỽneit ỽynt yn
dyuot y|lys iuor. ffo a orugant ac
nyt arbedassant na maỽr na bych  ̷ ̷+
an eithyr a alwei ar vedic o·nadunt
ny welei na mam na mab. a heb
ohir nachaf hen boỽn yn dyuot attaỽ
a|e niuer gyt ac ef. ac yna yd aeth

366

gi vrenhin yn erbyn boỽn. a dywedut
ỽrthaỽ. syr hebef·y boỽn. duỽ a|dalo
it. ac yna anuon a|orugant yn ol
iosian y vratmỽnd. ac yn|ol escyb ac
yscolheigon gỽybydus hyt na|thrigy  ̷ ̷+
ei neb heb dyuot. ac yn ol brenhin
damascyl heuyt. ac a vynhei gret
ar gyhoed ac a vynhei heb ohir y ve  ̷ ̷+
dydyaỽ. Heb y brenhin damascyl mi
a vydaf gristaỽn ac a orthodaf teruy  ̷ ̷+
gaỽnt. ac y·velly y dywaỽt paỽb ygyt
ac ef. Yna y|dywaỽt boỽn; dygỽch
yma teruagaỽnt. ac y gossodassant
yn|y seuyll rac bron boỽn. Mahỽn.
heb·y boỽn. ti awdost a|uuost maỽrhydic
eiroet gỽna hediỽ ffrỽytheu maỽr.
ac yna y|kymerth boỽn ffon bres ac
ae trewis teruagaỽnt ac ef. a|r escob
a vyryỽys dỽfyr ssỽyn arnunt. ac
yna y neidaỽd kostaỽcki koch o·honaỽ
ac a|ffoaỽd. Edrychỽch heb·y boỽn y
py diỽ yd oedeỽch yn credu. Heb y
brenhin damascyl drỽc yd oedem
yn credu. ac y·velly y|gwnaeth yn
tadeu kyn no ni. Y neb a|gredaỽd
myỽn kelwydeu madeuit duỽ vdunt.
a ninheu heb y brenhineda heb y
petwar admirales ny|chredỽn ni yn
bywyt vdunt. ac anuon a orugant
yn ol y|gỽraged ac eu meibon. ac ereill
yn ol eu tadeu ac eu kyfnesseuieit ac
ỽynteu a deuthant yn llawen. ny bu
eiroet yscolheic yr daet darlleaỽdyr.