LlGC Llsgr. Peniarth 5 (Llyfr Gwyn Rhydderch, rhan 1) – tudalen 147r
Ystoria Bown de Hamtwn
147r
351
gigleu terri hynny ny orffỽyssaỽd na
dyd na nos pymtheg|mil o wyr arwa ̷ ̷+
ỽc gyt ac ef. a boỽn y vab y gyt ac ef.
hyt pan deuthant y vradmỽnd.
a|phan welas boỽn ỽynt llawen uu
ac yskynnu ar arỽndel a mynet yn
eu herbyn a|dyuot at terri ydan
chwerthin a|gouyn idaỽ a oed iach
y wreic. iach heb ynteu duỽ a|dalho
yt. a|thri meib yssyd y ni. Myn vym
phen heb·y boỽn bodlon ỽyf am hyn ̷ ̷+
ny. a mynet dỽylaỽ mynỽgyl idaỽ
a|oruc. a mynet racdunt hyny deu ̷ ̷+
thant y|r llys. a|phan y gwelas iosi ̷ ̷+
an llawen a hyfryt uu. Milys a gi ̷ ̷
a deuthant y·dan redec attunt. a|lla ̷ ̷+
wen uu terri pan y|gwelas ỽynt.
ac yna y|dywaỽt terri ỽrth boỽn.
Syr heb ef par y|th varchogyon clot ̷ ̷+
uorus yscynnu ar eu meirch kany
oedỽn ni vynet tu a mỽnbraỽnd. ka+
ny dyly neb o|r a elei y ryuelu bot yn
diaỽc. a heb ohir gỽiscaỽ a|orugant
eu harueu ymdanunt. ac yscynnu
a|orugant ar eu meirch drythyll a
marchogaeth a|orugant hyt dyd a
hyt nos. a|phan deuthant y vỽmbra ̷ ̷+
ỽnd lluestu a|ỽnaethant. a|phan gy ̷ ̷+
uodassant y bore. ny welynt neb a
ymgyffelybei udunt. ac yna kyrchu
preid a orugant y maes o|e muroed.
ac yna y kyuodes y cri a|r|lleuein
arnunt. ac y|deuth yn yghwanec y
352
deugein mil o wyr aruaỽc o|r dinas
o|r sarascinyeit. ac|o vlaen y rei ereill
ffaỽcỽnyeit. ac o ragu toruoed o|ge ̷ ̷+
nedyl a elwir donnes. ac o lef uchel
oedynt kyrchu y cristynogyon. a
phan gigleu terri hynny. brathu
y varch ac ysparduneu a|tharaỽ
dyrnodeu maỽr ar eu penneu. a
boỽn yn dyuot attaỽ ac yn llad y
sarascinyeit a|elỽit roffons Y vrỽy ̷ ̷+
dyr a|barhaaỽd yn vaỽr ar y|ffelỽn ̷ ̷+
yeit a llawer lluruc a|dryllyỽys
ac a vriỽys a boỽn yn ymgelydus
am arỽndel rac y ragỽns. a|tharaỽ
vn ar y ben hyny dygỽydaỽd yn va ̷ ̷+
rỽ maes o|e gyfrỽy. a|e gedymdeith ̷ ̷+
on nyt ymarbedassant megys ba ̷ ̷+
rỽnyeit deỽron. Maỽr uu y vrỽydyr
a|balch. a maỽr yd oed boỽn a|therri
yn darestỽg onadunt. a|sabaot nyt
oed lỽfyr canys y neb a draỽei marỽ
vydei. ac ar hynny nachaf iuor yn
dyuot a|phymtheg|mil o|r arabieit
y·gyt ac ef. ac yna y kyhyrdaỽd boỽn
ac ỽynt ar arỽndel y varch ac y|tyn ̷ ̷+
naỽd morglei y|gledyf a rodi dyrno ̷ ̷+
deu maỽr ac ef ar eu taryaneu hyt
pan syrthynt. neu ỽynteu a ledit
yn gyflym. a|gossot a|oruc ar iuor
ac ynteu a erchis y naỽd. ac erchi
y dala ac na ledit. Mi a|wnaf hynny
heb·y|boỽn. ac yn|y vrỽydyr yd oed
sabaot a|therri yn rodi dyrnodeu
| « p 146v | p 147v » |