Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 143r

Ystoria Bown de Hamtwn

143r

335

erni dodi llef a|oruc. arglỽydes heb
a|uynny di y mi drigyaỽ gyt a|thi
y|th kadỽ ac y ỽylat dy vab ac y ỽneu  ̷ ̷+
thur yr hyn a|uo da genhyt ti. a mi
a rodaf vy llỽ y|m bywyt na byd llei
y|th karaf no|chynt. arglỽyd heb hi
ny vynhaf. kanys herwyd a|giglef. i.
nat iaỽn bot gỽr yn|y kyfryỽ le hỽn  ̷ ̷+
nỽ. dos ti y|th|ware a|gat rof i a iessu
grist a|r arglỽydes veir ỽrth escor.
Hỽynt a ymhoelassant y ỽrthi trỽy
dolur a|thristỽch. a hitheu a|drigyaỽd
e|hunan. a|r amser da a|deuth y|ganet
deu vab idi. a|chan y gỽanhet hi ny
allỽys leuein pan doeth copart a|r
sarassinieit etti a|e chymryt ac adaỽ
y deu uab yn|y lle y|buassei y myỽn
deil yn ymgreinaỽ. a mynet a|oru  ̷ ̷+
gant a hi ganthunt tu a mỽmbra  ̷ ̷+
ỽnt. a|boet iessu a|e distryỽo. ac ym  ̷ ̷
phen talym na·chaf boỽn a|therri
yn dyuot y geissaỽ iosian. a|chlybot
y meibyon yn germein a|ffrystyaỽ
a|ỽnaethant a dywedut ryỽyr yd ym
yn kerdet. a|phan deuthant lle yd
adaỽsont iosian. Oy a iosian py du
nachaf y|gỽelynt y meibyon myỽn
y|deil. a heb dim o iosian. Oy a iosian
py du yd aethost ti. mỽy y|th karaf
no dim o|r a|ỽnaeth duỽ. ac yna y
torassant eu crỽyn gra ac a|dodas  ̷ ̷+
sant y meibyon ym|plẏc y rei hynny.
ac y kymerth boỽn y neill. a|therri

336

y|llall. ac yscynnu ar y meirch ac y
geissaỽ iosian o venhinyaeth y
gilid yd aethont. ac am na|s|caỽssont.
dic uuant a|thrist. teỽi weithon a
ỽnaỽn am boỽn. a dywedut am sa  ̷ ̷+
baot mal yd yttoed yn|y ystauell
yn kyscu; ef a|welei breudỽyt mal
nat oed hof ganthaỽ. Sef ryỽ vreu  ̷ ̷+
dỽyt a|ỽelei. kant o leỽot yn achub
boỽn ac yn dỽyn y varch rac boỽn.
ac|odyna ef a|ỽelei y vynet y|seint
gilys y geissaỽ trugared. a|duhunaỽ
a|oruc. a menegi y|wreic yr hynn a
ỽelsei. a|hitheu a erchis idaỽ na|s
kymerei yn drỽc arnaỽ a|dyỽedut
daruot y|boỽn colli iosian a geni
deu vab idi. ac yna sabaot a|gymerth
gỽisc pererin ymdanaỽ. ac a|gauas
llong vaỽr a|elỽit dromỽnd. ac yn honno
yd aeth trỽy|r mor. ac ny orffỽysaỽd
hynny deuth y seint gilys. a|phan
deuth y|r dywededic le. yr eglỽys
a gyrchaỽd ac y offrỽm yd aeth ac
vgein o gydymdeithon gyt ac ef
o|e wlatac yn dyuot udunt o|r eg  ̷ ̷+
lỽys y kyhydaỽd ac ỽynt iosian.
a|phan y|gỽelas sabaot. llawen uu.
arglỽydes heb ef. mae boỽn a|therri.
Syr. heb hitheu ymỽarandaỽ a mi.
Ef a|damchweinaỽd geni deu vab
ym myỽn fforest. a|thra yttoydỽn
yn|y damỽein hỽnnỽ. mynet a|oru  ̷ ̷+
gant boỽn a|therri y|r coet y|droi.