Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 140r

Ystoria Bown de Hamtwn

140r

323

amheraỽdyr a|y gymryt a mynet ac
ef y|r castell a|e rỽymaỽ yn galet. a
diuryssyaỽ dracheuyn yn ganhorthỽy
o|e arglỽyd. a|phan ỽelas ˄gwyr yr amheraỽ  ̷ ̷+
dyr daruot dala eu harglỽyd. trist
uuant kany ellynt parhau y·n|ep  ̷ ̷+
pell a|gỽrhau a|orugant y boỽn.
trỽy ystynnu eu cleuydeu idaỽ ac
eu dala a|orucpỽyt ac eu hanuon
y|r kastell. a|dyuot a oruc boỽn y|r
kastell a phan deuth ar|ogyfuch a
don. don a|dywaỽt ỽrthaỽ. arglỽyd
heb ef ny|thyckya y mi erchi truga  ̷ ̷+
red namyn vy|galanas a vadeuỽn
it pei ar yr vn dyrnaỽt y lladut vym  ̷ ̷
phen. Mal ym gwares duỽ heb·y. bown.
mi a|ỽnaf hynny. a heb odric y peris
boỽn dỽyn plỽmen a chladu pỽll yn|y
dayar a dodi y plỽmen yn|y pỽll a|e
lenỽi o blỽm brỽt a chymryt don a|e
vỽrỽ myỽn|hỽnnỽ. ac yna y dyỽaỽt
boỽn. y·naỽr y digaỽn syr don ym  ̷ ̷+
drochi. ac o|r byd anwyt arnaỽ ym  ̷ ̷+
dỽymet. ac yna y redaỽd nebun at
yr arglỽydes y venegi idi chỽedleu
y·ỽrth don y|chymar. a phan gigleu
hi y genhat yn dyỽedut y chỽedleu
hynny. hi a|e byryaỽd a chyllell ne  ̷ ̷+
wydlif a|oed yn|y llaỽ ac a|e medraỽd
yn|y galon ac a|e|lladaỽd. ac|drigh  ̷ ̷+
aỽd hitheu y benn y|tỽr vchaf ac y
byraỽd neit odyna yny dorres y
mynỽgyl. a|phan gigleu boỽn hynny

324

nyt ỽylaỽd dim yr hynny. ac nyt
aeth ỽrth y haglad. ac yna gỽerys  ̷ ̷+
kynnaỽd y|dylyet ac y|kynhelis mal
y|dylyei gỽr deỽr kadarn a|th˄aelu eu
gwassanaeth y|r niuer a|dothoed gyt
ac ef. Odyna y deuth porthmyn y
dref y erchi trugared y|boỽn a|e an  ̷ ̷+
regu o|lestri a|thressor. a|gỽedy dar  ̷ ̷+
uot idaỽ gorchyuygu y elynnyon
ef a gyrchaỽd y ỽreic vỽyaf a|garei
y|r garrec ỽrth y|friodi ac anuon yn
ol escob colỽyn y|ỽneuthur eu|prio  ̷ ̷+
das ac ynteu a|deuth yn uuydlaỽ  ̷ ̷+
en. a|gỽedy y|dyuotyat. yr vnbenhes
a arwedỽyt y|r eglỽys ac y|gỽnaeth  ̷ ̷+
pỽyt eu priodas ac adref y|deuthant
ac eu bỽyt a|gymerassant a|gỽedy
bỽyt ymolchi a orugant ac odyna
erchi y|gỽin a gỽedy yuet dogyn o+
honunt y|gysgu yd|aethant ac my  ̷ ̷+
ỽn aỽr da y gweithredaỽd a hi ka  ̷ ̷+
nys deu vab a enillaỽd yna y rei
a|uuont glotuorus pan deuthant
myỽn oetran. a|r neill a elỽit gi.
a|llall miles. ac eissoes ny bu di  ̷ ̷+
boen udunt enill clot ac enrydet.
ac yn hynny diwarnaỽt medylya
a oruc boỽn o vynet y ymỽelet a|r
brenhin. ac erchi a|oruc y varcho  ̷ ̷+
gyon a|y ysquiereit o|r rei deỽraf
ymgỽeiraỽ y·gyt ac ef. ac yna yn
gyflym yd ymparatoassant ỽrth
y|arch. Y iarll a yskynnỽys ar y varch