Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 138r

Ystoria Bown de Hamtwn

138r

315

yn drugaraỽc ỽrth y heneit kan
daroed barnu y|chorff. a ỽylaỽ
a|lleuein a|wnaeth. a|thrỽy y|dryc  ̷ ̷+
yruerth y dywot oi a|arglỽyd
iessu grist truan a|beth y|m
derỽ. a|cham a|beth y medreis.
dodi vy holl garyat ar boỽn.
ac ynteu y|m ysgaylussaỽ ac
yn gadel vy nienydyaỽ heb
ỽybot idaỽ ac nyt ymwelỽn
bellach y·gyt; ac erchi effeirat
a|wnaeth. ac yffeirat a|gauas.
a|ffaỽb o|r a|e gwelei yna; yr
kadarnet vei y gallon a dru  ̷ ̷+
anhaei ỽrthi. yr yffeirat a|e
kyffessaỽd yn gỽbyl ac a|e hetel  ̷ ̷+
lis yn hir rac truanet gantaỽ
y dienydu. ar hynny nachaf
boỽn yn dyuot a bugeil yn
kyuaruot ac ef. Sef a|wnaeth
ef gouyn y|r bugeil beth a  ̷ ̷
wneit a|r tan maỽr a welei
ef yn llosgi. peth truan heb
y bugeil; llosgi morỽyn dec o
achos tagu yr iarll o·honei a|e
priodyssei hitheu o|e hanuod.
Nyt y|m|byỽyt i heb·y boỽn
y llofgir hi a|brathu arỽndel
ac ysparduneu a|thu a|r tan
y kerdaỽd. ar hynny nachaf
copart o|r parth arall yn dy  ̷ ̷+
uot ac ymherued y maes
yn ymgyuaruot a|r bugeil.
a gouyn yn vchel idaỽ pa achos

316

y|llogit* tan kymeint ac yd
oedit yn|y|losgi. y·gyt ac y|gwyl
y bugeil ef. dechreu dygarnffo.
ac yn vynych uchel y|dywedei
benedicite benedicite. eissoes
ny bu copart vn|cam o bedestric
ỽrthaỽ a rodi tacua idaỽ a|go  ̷ ̷+
uyn ystyr a|r achos yd oedit
yn llosgi y tan kymeint a|hỽn  ̷ ̷+
nỽ. arglỽyd yr y gỽr  
yd archaf dy drugared; morỽyn
a|losgir yn y tan racco a briodet
ddoe o|e hanuod. na losgir myn
vy|phen i hyt tra barhaỽyf yn
vyỽ. ac yn ol boỽn ar hynt y
kerdaỽd   ef ac at y tan y|doeth  ̷ ̷+
ant. a boỽn a dynnaỽd morglei
y gledeu ac a hỽnnỽ yd eillaỽd
penneu y|ssaỽl a|gyuarffei ac
ef y ar y corfforoed. Ynteu co  ̷ ̷+
part pob ddec y lladei ynteu
a|e ffon. Yna y|dywot boỽn
ỽrth copart coffa y|duffust yn
ddihauarch. Mi a|wnaf hynny
yn llawen. a|gwedy daruot
vdunt llad y bobyl heb diagk
y nemaỽr o·nadunt. boỽn a|aeth
at Josian ac a|dorres y rỽymeu
a oed ar y|dỽylaỽ ac a|erchis
y copart mynet y erchi palfrei
y iosian at yr esgob. a|r march
a|gahat gan yr esgob heb|olud.
a|guedy dyuot copart drache  ̷ ̷+
uyn a|r march ganthaỽ. iosian