Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 114v

Ystoria Carolo Magno: Can Rolant

114v

221

ny|s cauas y vraỽt idaỽ yn vn
lle. ac yna erchi y|vendith a  ̷
oruc y|vraỽt. ac ysgynnv a or+
uc ar|y march rac y gaffel o|r|sa+
racinnyeit a mynet yn|yd oed
charlymaen. a phan aeth bat+
ỽin ymeith y|doeth attaỽ yn+
tev o teodoric a|e gyffessu. a|e
dysgu y|ymeiryaỽl a|duỽ. ac
neur daroed y|rolond y dyd
hỽnnỽ kymryt corf yr|glỽyd*
a chyffessu yn llỽyr ỽrth offeir+
eit canys hynny oed eu deua+
ỽt y|dyd yd elynt y|vrỽydr. ky+
fessu a chymryt kymryt ky  ̷+
mun. ac ymhoelut y ỽyneb
ar|y nef a oruc rolond. a|dyỽe  ̷+
dud val hynn. arglỽyd grist
yr kynnal dy dedyf di a|th cri+
stonogaeth y|deuthum. i. o|m
gỽlat y alltuded agkyfyeith.
a|thrỽy dy nerth di a|th ganhor+
thỽy arglỽyd y|gorchyuygeis
i laỽer o saracinneit. ac y|dio+
defeis anneiryf o dyrnnodev. a
bonclustev. a chỽympev. a gỽeli+
oed. a|chellỽeir. a gỽaradỽyd.
a blinder. ac oeruel. a|gỽres.
a neỽyn. a sychet. a|gouut.
a phoen. Y tithev arglỽyd y
kymynnaf|i vy eneit. val yd est+
ygeist|i erof|i. ac y|r cristonogyon
y byt. y|th|eni o|r veir ỽyry. a|di  ̷+
odef ar y groc. a|th gladu. a|th
varỽ. a|th gyuodi y|trydydyd
o|veirỽ. a|th ysgynnv ar|y nef

222

y lle ny|s edeỽeist eiroet o gyn+
drycholder dy allu di. velly ar+
glỽyd y|teilygych ditheu vy
rydhav inhev a|m eneit y|nef
rac aghev tragyỽyd. a chyf+
adef yỽ gennyf inhev vy mot
yn bechadur kamgylus eithyr
y|mod y|mae canyat y|dyỽedut.
a|thithev arglỽyd val yd ỽyt
trugaroccaf madeuỽr pob pech+
aỽt. ac a|trugaraa ỽrth baỽp.
ac ny cheissy di arglỽyd gan
ediueiryaỽc. namyn y ellỽg
o|e holl godyant. a|e bechodev
yn|yr vn aỽr yd vcheneittyho
ac ymhoelo ohonaỽ. a|thi a
vadeueist y|r ỽreic a|dorres y
phriodas. ac a|agoreist borth
paradỽys y|r lleidyr yn kyffessu
yn|y groc. na neccaa dithev vin+
hev arglỽyd o|vadev y|m vym
pechodev. a|phy|beth|bynnac a
becheis i y|th erbyn di Madev
ym. a|llehaa vi y orphỽys tra+
gyỽyd. canys tidi arglỽyd ys+
syd greaỽdyr yr|holl greadury+
eit. a|thi a|dyỽeist* arglỽyd bot
yn well byỽyt pechadur no|e
aghev. Mi a gredaf arglỽyd
yt o|m holl gallon. ac a|gyfa+
deuaf a|m tauaỽt kan ỽyt
yn mynnv dỽyn vy eneit
o|r vuched honn y|vuched tra+
gyỽyd. a|r synnỽyr yssyd
gennyf yr aỽr honn. a|amge+
na o gymeint o ragor y corff