Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 113v

Ystoria Carolo Magno: Can Rolant

113v

217

hynny y·gyt ac ef y|doeth y|r|lle
yd oed y saracin yn rỽym. ac
yna y|tygaỽd rolond y lỽ ma+
ỽr y lladei benn y saracin. ony
delei y venegi idaỽ y lle yr oed
varsli. a|e dangos idaỽ canyt at+
tỽaenat rolond varsli yna et  ̷+
ỽa. Ac yn diannot rac y lad
y·d|aeth y saracin y dangos idaỽ
varsli. ac o bell dangos y arỽyd.
a|march coch maỽr a·danaỽ.
a|tharyan gronn oed arnaỽ.
a rodi y vryt a oruc rolond
arnaỽ. a chyrchu y|vydin yn hy.
a|r hynn a oed o ỽyr ganthaỽ
yn diuygỽl. ac ar·ganuot a
oruc rolond yn eu plith gỽr
a rogorei racdunt. a chyrchu
oruc rolond hỽnnỽ a|e lad ar
vn dyrnnaỽt. a fo a orugant
ỽyntev yna. hỽnt ac yma. vry
ac obry. Taraỽ a oruc rolond
yn eu hol. ac eu llad ac eu bỽ+
rỽ. ac eu hyssigaỽ. ac argan+
uot a|oruc varsli yn fo a|e y*
ymlit a oruc rolond idaỽ a|e
lad. ac ny diengys. vn gỽr o
ỽyr rolond o hynny o gyfranc
namyn rolond e|hun. gỽedy
yr vrathu a|phedeir gleif. a|e
vriỽaỽ a|mein a|e yssigaỽ. A
phan giglev beligant hynny
yr eil brenhin o|r paganneit.
disgrech varsli yn dygỽydaỽ. fo
a|oruc yntev ac adaỽ y|ỽlat. ~
Teodoric. a|batỽin a|rei ereill

218

o|r cristonogyon oedynt yn lle+
chu rac ouyn y|myỽn llỽyneu.
ac ereill a adoed yn ol charlym+
aen y byrth yr yspaen. ac neur
daroed y charlymaen a·daỽ a|o+
ed dyrys. a pherigyl o|r phyrrd
a|dyuot y|r diogelỽch heb ỽybot
dim o|r a daroed yn ol. a blinaỽ
a oruc rolond gan bỽys yr ym+
lad. a chan rodi y dyrnnodev
maỽr. a chymryt y brathev
agheuaỽl a|gaỽssei. a dyuot
velly a|oruc drỽy dryssỽch. a
llỽynev hyt y|penn issaf y byrth
ciser. ac yno y disgynnaỽd ef
y ar y varch adan brenn ỽnibyr
y myỽn gỽeirglaỽd dec. a ma+
en marmor ỽedy y gyuodi y+
n|y seuyll yn emyl y prenn. a
thynnv y gledyf a oruc o|e ỽe+
in dỽrnrdal y enỽ. Sef oed hyn+
ny dyro dyrnnaỽt calet a|dy+
ỽedut a oruc ỽrth y gledyf
val hynn o ymadrodyon dagre ̷+
aỽl. O|r cledyf teckaf a gloyỽ+
haf. a gỽedussaf. y kyuyrtal+
af y hyt a|e let. Y gỽynhaf.
a theckaf y|dỽrnn o ascỽrnn
moruil. a|r groes eureit yn|y
deckau. ac aual o|r peril tec+
kaf ar|y|dỽrnn. a|r kanaỽl eur
gỽerthuorussaf yndaỽ. a dir+
geledic enỽ duỽ. alpha. et
.omega. yn|ysgythredic yndaỽ. Y bla+
en llỽydyanussaf. a mỽyhaf
y glot o nerth dỽyỽaỽl. Pỽy