Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 110v

Ystoria Carolo Magno: Can Rolant

110v

205

adraỽd ac ef a|oruc val hynn
yn chỽerỽ. Geuaỽc uuost an  ̷ ̷+
fydlaỽn llaỽer a grymya char+
lymaen yni yn gyndrychaỽl. ac
a|dalỽys hyt hynn. ac a|dal o
hynn allann. Dỽysseỽch yn ac+
ỽ ỽynt heb ef. kywersengỽch
ỽy. lledỽch y|rei marỽaỽl. a
getymeithon da y|mae y kyflan*+
uaneu kynntaf yn adaỽ yny
vudugolyaeth. nyt oesna ̷ ̷
nerth na grym na dayoni y+
n|y lluosogrỽyd racỽ. ac yna
dodi gaỽr arnadunt hyt ym
penn o vynyd lleỽenyd. ac o|e
aỽr yntev gyrru grym. a gleỽ+
der ynn holl lu freinc. Ac yn
hynny. geireint. a|gerat deu
getymdeith gỽeisson deỽr o fre  ̷+
inc a gyrchassant y|pagannaye+
it o gyuundep a dỽy leif. a|ge+
reint a vrathỽys malkabrin.
a gerdaat a vrathỽys lannaliff.
ny bu olud a allei eu diffryt
yny vu y gleiuev trỽy y holl
aruev a|thrỽydunt e|hunein
ac y|ar eu meirch y|r llaỽr.
ac ar vyrder nyt oed vỽy y|ty+
gyei y|r pagannyeit eu|har  ̷+
uev heyrn no gỽiscoed lliein
y|ymdiffryt rac aruev y fre+
inc. ac ar hynny Oliuer a ym+
orelỽis a|e getymdeithon ac
a|e canmoles val hynn. da yỽ
yn gỽyr ni heb ef. ac ar nyt
ydiỽ onadunt yn ym·gyrr  ̷+

206

haydu a|brỽydraỽ. mi a attỽen
gleỽder ganedic eu gỽlat yn+
dunt. ac ar hynny engeler
o wasgỽyn a|duc ruthyr y ar
varch kadarnn y vn o|r pagann+
yeit a gleif o laỽn nerth yny
dorres y daryan a|r lluryc. a
thrỽydaỽ yntev berued a|e vỽ+
rỽ yn vn cỽymp o|e gyfryỽy
y|r llaỽr yn varỽ. ac yn ol hỽn+
nỽ rodi cỽymp y getymeith
arall idaỽ yn varỽ a|e ganhe+
brỽg val hynn. Ymdiret yr aỽr
honn y|vahumet val hynn y kei+
dỽ ef. ac y amdiffynn y rei eid+
aỽ ef. kymer dy gyuloc yr aỽr
honn yn vffernn am wassan+
naethu y|r teu arglỽyd hỽnnỽ.
Deu oed etỽa yn seuyll o deudec
gogyuurd y|pagannyeit. mar+
garit. a cernub. ac ỽyntev a
lyỽyassant eu llu yn erbynn y
freinc. y|margarit hỽnnỽ y|mar+
chaỽc gorev oed. tec oed yntev
a deỽr. ac amyscauyn. a chyfrỽ+
ys ar varch. a llyỽyaỽ y|march
kadarnn a|oruc. a chyrchu oli+
uer a gossot arnaỽ a gleif y+
n|y daryan yny dyllỽys y dary+
an hyt ar|y lluryc diogel. ac
nyt argyỽedỽys y|r lluryc. na+
myn torri yna y wayỽ gan y
mỽn a|dodi y gornn ỽrth y enev
ac o|sein y gornn galỽ y|pagan+
nyeit y|r vrỽydyr. ac yn hyn+
ny ny orfoỽyssei rolond o|ta  ̷+