Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 108v

Ystoria Carolo Magno: Can Rolant

108v

197

a minhev heb ouynhav eiroet
kyndrycholder brỽyder. cany bu
le dibryderach gennyf|i eiroet no
phann vydỽn damgylchynedic
o|m gelyonyon. a minhev o bop
parth. a|dỽrndal y|m deheu yn eu
tannv ỽy mal lluchyaden. Ti
a|m gỽely i hediỽ yn ymlit yr
anfydlonyon yn gyn luttet ac
y bei lei boen gantunt eu marỽ
no gỽelet dyrnnodev eu hymly+
nỽr. Rolond garu getymeith
heb·yr oliuer y|tryded|ỽeith mi
a annogaf yt galỽ charlymaen
a|e niuer tra|e gefyn o lef yr oli+
fant rac colli hediỽ y saỽl ỽyr+
da hynn a eteỽit y|th geitỽada+
eth di. a rac ymhoelut o|r ge+
nedyl anffydlaỽn honn y|r lle+
oed ry oresgynnỽyt kynn o  ̷ ̷
hynn. ac yn gallu yn|ysgaỽnn
eu dilev ỽy o|gỽbyl gỽedy yd
ymhoelo charlymaen. Ny ỽnel
duỽ heb·yr rolond y gennyf|i gỽ+
aratỽyd kymeint ac y|bo ar+
naf ouyn lluossogrỽyd yr hỽn
ny allỽys lluossogrỽyd gỽrth+
ỽynebu idaỽ. Ny ellir byth
lliỽaỽ y rolond y gymell o of  ̷+
yn pagannyeit o|e vot yn gorn  ̷+
naỽr. nyt ef a darffo yntev ym+
gyffylybu rolond y|mrỽydỽr
y helyỽr yr hỽnn nyt oes na
gỽeith na llauur namyn gỽy  ̷+
lldaỽ bỽystuilet o|r llỽynev o
lef y gornn. Gỽeithret rolond

198

yntev vyd val y bu eiroet llad
a|dỽrndal yn gadarnn. trychu
y|marchogyon a|r meirch trỽy+
dunt. yn eu kymherued torri
y cadev gỽrthỽynneb. ac eu tan  ̷+
nu. a sathru adan draet vy mar+
ch yn deisseu calaned. a|ỽnel dỽrn+
dal. ac o|hynn allann arbet ym
o annoc peth mor waradỽydus
a|hynn rac bot yn|yscaelussach
yn ketymdeithas o hynny. a|th+
rỽy hynny lleihav yn kyueill+
ach. Mi a|arbedaf yt heb·yr oliuer
ac ny chỽanneccaaf|i bellach vy
ymadraỽd. namyn pa gollet byn+
nac a|damỽeino yn bellach ny
dylyir y liỽaỽ na|e gerydu y oli+
uer. ac ar hynny yd oed gỽyrda
freinc nesnes y gelynyon. ac eu
merthyrolyaeth rac llaỽ yn|y
kyffroi ar dagreuoed nyt yr of+
yn·eu hagen namyn o|hiraeth
paỽb onadunt am|y|gilyd. Sef
a oruc oliuer herỽyd y|syberỽyt
eissoes eu hangreiffyaỽ gan eu
hannoc ar damunet brỽydyr
val hynn. Ha ỽyrda heb ef pei
na bei brouedic gennyf|i laỽer
gỽeith ych gỽrhydri chỽi mi
a gablỽn ych methyant. ac
ych dagreuoed. ac ny chredỽn
eu bot o|gygỽeinyeint. ac edi+
uarwch. namyn o lyuyrder. ac
ofyn. peidỽch ỽeithon ac ych
methyant. pa gamỽed|bynnac
ry|ỽnel paỽb ohonaỽch y|ỽ gilyd